ئۆپەراسیۆن بۆسەر تیرۆریستانی داعش لە نەینەوا باکووری عێراق

ھەولێر ــ AA

ھێزەکانی سوپای عێراق و حەشدی شەعبی، ئۆپەراسیۆنێکیان بە ئامانجی راوەدووەنانی پاشماوەکانی تیرۆریستانی داعش لە سنووری پارێزگای نەینەوا دەستپێکرد.

دەستەی راگەیاندنی حەشدی شەعبی لە راگەیەنراوێکدا ئاماژەی بەوەداوە کە ھێزەکانی حەشدی شەعبی و سوپا، ئۆپەراسیۆنێکیان بە ئامانجی راوەدوونانی پاشماوەکانی تیرۆریستانی داعش لە چیاکانی رۆژھەڵاتی قەزای تەلەعفەر تا دەگاتە چیاکانی ئەلخان، شێخ ئیبراھیم و مەحلەبییە رۆژئاوای نەینەوا، دەستپێکردووە.

لە راگەیەنراوەکەدا ئاماژە بەوەدراوە کە ئەنجامدانی ئۆپەراسیۆنەکە، دوای ئەوە ھات کە زانیاری ھەواڵگریی لەبارەی جموجۆڵی پاشماوەکانی تیرۆریستانی داعش لە ناوچەکە بەدەست ھێزەکانی حەشدی شەعبی گەیشتووە.