ئاگرێک لە بازاڕی قەیسەری هەولێر کەوتەوە

هەولێر - AA

کەمێک پێش ئێستا بەهۆکارێکی نادیار ئاگرێک لە بازاڕی قەیسەری هەولێر کەوتەوە و تا ئێستاش ئاگرەکە بەردەوامە.

تیمەکانی ئاگرکوژێنەوە گەیشتوونەتە شوێنەکە و خەریکی کۆنتڕۆڵکردنی ئاگرەکەن، هاوکات تیمەکانی پۆلیس و تەندروستیش لە شوێنەکە بوونییان هەیە و تا ئێستا ئاگرەکە بەردەوامە و خاوەنی دوکانەکان گەیشتوونەتە شوێنەکە و خەریکی ڕزگارکردنی ئەو کەلوپەلانەن کە هێشتا زیانییان بەرنەکەوتووە.

ئاگرەکە چەند دوکانێکی ناو بازاڕەکەی گرتووەتەوە کە بەشێکی زۆریان دوکانی جلوبەرگ و کەلوپەلەکانی جوانکارین و بەشێکیان بە تەواوی سووتاون.

جێی ئاماژەیە ئێوارەی ٥ی ئابی ٢٠١٨ لە هەمانکاتدا ئاگرێک لە بازاڕی سێبیرانی قەیسەری کەوتەوە و بەهۆیەوە ژمارەیەکی زۆر دوکان سووتان.