مەسعود بارزانی جەژنی لەدایکبوونی مەسیح لە کریستییانەکان پیرۆز دەکات

ھەولێر - AA

سەرۆکی پێشووی ھەرێمی کوردستان، مەسعود بارزانی بەبۆنەی جەژنی لەدایکبوونی حەزرەتی عیسا، پەیامێکی پیرۆزبایی ئاراستەی کریستیانەکانی کوردستان، عێراق و جیھان کرد.

بەپێی ھەواڵێکی ماڵپەڕی فەرمیی مەسعود بارزانی، سەرۆکی پێشووی ھەرێمی کوردستان بەبۆنەی جەژنی لەدایکبوونی حەزرەتی عیساوه‌، پەیامێکی پیرۆزبایی ئاراستەی کریستیانەکانی کوردستان، عێراق و جیھان کردووە.

له‌ پەیامەکەی مەسعود بارزانیدا وێڕای پیرۆزباییه‌كه‌، هاتووه‌:

"لەم بۆنەیەدا جەخت لەسەر قووڵترکردنی فەرھەنگی پێکەوەژیان و برایەتیی نێوان پێکھاتەکانی کوردستان دەکەم و ئومێدی ئەوەیش دەخوازم خوشک و برا کریستیانەکانمان ھەموو جەژن و بۆنە و خۆشییەکانیان لە ئارامی و تەباییدا بەڕێبکەن و، ئاشتی و برایەتیش باڵ بەسەر ناوچەکەماندا بکێشێت".