Arbil
هەولێر - AA
سەرۆکی حکوومەتی هەرێمی کوردستان، مەسرور بارزانی پێشوازیی کرد لە فەرماندەی گشتیی هێزەکانی هاوپەیمانان لە عێراق و سووریا، جەنەرال جۆن برێنن.
بەگۆێرەی ئەو راگەیەندراوەی کە لە نووسینگەی راگەیاندنی سەرۆکی حکوومەتی هەرێمی کوردستان بڵاوکراوەتەوە، لە دیدارەکەدا، دوا پێشهات و گۆڕانکارییەکانی عێراق و سووریا و چەند پرسێکی جێی بایەخی هاوبەش، تاوتوێ کرا.
فەرماندەی گشتیی هێزەکانی هاوپەیمانان لە عێراق و سووریا، وێڕای ئاماژەدان بە بەردەوامبوونی پشتیوانیی هاوپەیمانان لە هێزی پێشمەرگە لە شەڕی دژبە تیرۆریستانی داعش، دووپاتیشی کردەوە کە داعش، هێشتا هەڕەشەیەکی ڕاستەقینەیە لە عێراق و سووریا.
لای خۆیەوە، سەرۆکی حکوومەتی هەرێمی کوردستان سوپاسی هاوکاری هاوپەیمانانی کرد و جەختی لە گرنگیی هەماهەنگیی نێوان پێشمەرگە و سوپای عێراقی كردەوە بەتایبەتی لە ناوچە کوردستانییەکانی دەرەوەی هەرێم، بۆ رووبەڕوونەوەی مەترسییەکانی تیرۆر لەو ناوچانەدا. گوتیشی "سەقامگیربوونی دۆخی عێراق، کاریگەری ئەرێنی دەبێت لە سەر ئاسایش و سەقامگیریی ناوچەکە بە گشتی".
بۆ خوێندنەوەی درێژەی ئەم هەواڵە و هەواڵەکانی دیکەی ئاژانسی ئانادۆڵو، ببە بە ئابۆنەی ئاژانسی ئانادۆڵو و کلیک لەسەر ئەم بەستەرە بکەن