توركيا, سياسەت

توركیا سه‌ركۆنه‌ی هێرشه‌كانی ئیسرائیل بۆ سه‌ر غه‌ززه‌ و هه‌ڵكوتانه‌ سه‌ر مزگه‌وتی ئه‌قسا ده‌كات

- وه‌زاره‌تی ده‌ره‌وه‌ی توركیا سه‌ركۆنه‌ی هێرشه‌ ئاسمانییه‌كانی ئیسرائیل بۆ سه‌ر كه‌رتی غه‌ززه‌ و هه‌ڵكوتانه‌ سه‌ر مزگه‌وتی ئه‌قسا ده‌كات.

Emre Karaca  | 07.08.2022 - نوێکردنەوە : 08.08.2022
توركیا سه‌ركۆنه‌ی هێرشه‌كانی ئیسرائیل بۆ سه‌ر غه‌ززه‌ و هه‌ڵكوتانه‌ سه‌ر مزگه‌وتی ئه‌قسا ده‌كات

Ankara

ئه‌نقه‌ره‌-AA

وه‌زاره‌تی ده‌ره‌وه‌ی توركیا سه‌ركۆنه‌ی هێرشه‌ ئاسمانییه‌كانی ئیسرائیل بۆ سه‌ر كه‌رتی غه‌ززه‌ و هه‌ڵكوتانه‌ سه‌ر مزگه‌وتی ئه‌قسا ده‌كات.

له‌ راگه‌یه‌ندراوێكدا كه‌ له‌لایه‌ن وه‌زاره‌ته‌كه‌وه‌ بڵاوكراوه‌ته‌وه‌، به‌ توندی سه‌ركۆنه‌ی هێرشه‌ هێشتا به‌رده‌وامه‌كانی ئیسرائیل بۆ سه‌ر مه‌ده‌نییه‌كان و هه‌وڵه‌كانی په‌رستش له‌ مزگه‌وتی ئه‌قسا، كراوه‌.

له‌ راگه‌یه‌ندراوه‌كه‌دا هاتووه‌:

"له‌پاڵ هێرشه‌كانی ئیسرائیل كه‌ رۆژی ٥ی ئاب بۆ سه‌ر كه‌رتی غه‌ززه‌ ده‌ستیپێكرد و بووه‌ هۆی گیان له‌ده‌ستدانی ژماره‌یه‌كی زۆر له‌ كه‌سانی مه‌ده‌نی كه‌ له‌ نێویاندا منداڵ هه‌ن، ئه‌وه‌ زانراوه‌ كه‌ ئه‌مڕۆ، په‌رله‌مانتاری ئیسرائیل، ئیتامار بێن-گڤیر و گرووپه‌ ره‌گه‌زپه‌رسته‌ جووه‌كان، هه‌ڵیان كوتاوه‌ته‌ سه‌ر مزگه‌وتی ئه‌قسا كه‌ له‌ژێر پارێزگاریی پۆلیسی ئیسرائیلدایه‌. به‌ توندی سه‌ركۆنه‌ی هێرشه‌ هێشتا به‌رده‌وامه‌كانی ئیسرائیل بۆ سه‌ر مه‌ده‌نییه‌كان و هه‌وڵه‌كانی په‌رستش له‌ مزگه‌وتی ئه‌قسا ده‌كه‌ین".

هه‌روه‌ها راگه‌یه‌ندراوه‌كه‌ جه‌ختی له‌وه‌ كردووه‌ته‌وه‌ "ئه‌و كرده‌ پاڵنه‌رانانه‌ كه‌ پێشێلكاریی ئاشكرای پێگه‌ی حه‌ره‌می پیرۆز و مزگه‌وتی ئه‌قسان، ئاستی گرژییه‌كان له‌ ناوچه‌كه‌ زیاتر به‌رز ده‌كه‌نه‌وه‌" و جارێكی دیكه‌ بانگه‌واز له‌ حكوومه‌تی ئیسرائیل كراوه‌ رێگه‌ به‌و جۆره‌ كرده‌وانه‌ نه‌دات كه‌ پێگه‌ی حه‌ره‌می پیرۆز ده‌كه‌نه‌ ئامانج.

بۆ خوێندنەوەی درێژەی ئەم هەواڵە و هەواڵەکانی دیکەی ئاژانسی ئانادۆڵو، ببە بە ئابۆنەی ئاژانسی ئانادۆڵو و کلیک لەسەر ئەم بەستەرە بکەن
بابه‌ته‌ په‌یوه‌ندیداره‌كان
Bu haberi paylaşın