ئەنجوومەنی وەزیرانی ھەرێمی کوردستان دوا پێشھاتەکانی عێراق تاوتوێ دەکات
ئەنجوومەنی وەزیرانی ھەرێمی کوردستان: ـ "دژی ھەر ھەوڵێکین بۆ کەمکردنەوەی دەسەڵات و مافە دەستوورییەکانمان لە عێراق." ـ "ئەنجوومەنی وەزیران دروستکردنی سندووقی ھەمیشەیی فریاکەوتنی مرۆیی لە ھەرێمی کوردستان پەسەند کرد."Dlshad Saifaalddin Ahmed
31 تشرینی یەکەم 2019•نوێکردنەوە: 31 تشرینی یەکەم 2019
ھەولێر ـ AA
ئەمڕۆ چوارشەممە ئەنجوومەنی وەزیرانی ھەرێمی کوردستان، بەسەرپەرشتی سەرۆکی ئەنجوومەنی وەزیران،مەسرور بارزانی و ئامادەبوونی جێگری سەرۆکی ئەنجوومەن،قوباد تاڵەبانی کۆبووەوە.
لە سەرەتای کۆبووەنەوەکەدا، سەرۆکی ئەنجوومەنی وەزیران ئاماژەی بە رووداوی کوشتنی سەرکردەی رێکخراوی تیرۆریستی داعش، ئەبوبەکر بەغدادیی کرد و گوتی: "راستە کوشتنی بەغدادیی زۆر گرنگ بوو، بەڵام ئەمە کۆتایی داعش و تیرۆر نییە، بەڵکو ھێشتا داعش مەترسییەکی جددیە بۆ سەر دانیشتووانی زۆر ناوچەی عێراق". ئاماژەی بەوەش کرد کە ئەفسانەی داعش لە سەر دەستی پێشمەرگە تێکشکێنرا .
پاشان سەرۆکی ئەنجوومەنی وەزیران، تیشکی خستە سەر دوا پێشھاتەکانی عێراق و رایگەیاند کە تێکچوونی بارودۆخی عیراق، لە بەرژەوەندی خەڵکی ھەرێمی کوردستان و عێراق بە گشتی نییە. گوتیشی" ئێمە لەگەڵ داوای ڕەوا و ئاشتییخوازانەی خۆپیشاندەرانین، بەڵام دژی بەکارھێنانی تووندوتیژین لە ھەر لایەکەوە بێت. پشتگیرییش لە سەرۆکوەزیران، عادل عەبدولمەھدی دەکەین بۆ ئەنجامدانی چاکسازییەکان و پێشکەشکردنی خزمەتگوزارییەکان. ھەروەھا ھیچ گۆڕانکارییەکیش لەدەرەوەی رێکارە دەستووریی و یاساییەکان پەسەند ناکەین و دژی ھەر ھەوڵێکیشین بۆ کەمکردنەوە و دەستکاریکردنی دەسەڵات و مافە دەستوورییەکانی ھەرێمی کوردستان لە عێراق ، رێگەش نادەین ھیچ گۆڕانکارییەک لە دەستووری عێراق رووبدات کە دژی ماف و خواستەکانی خەڵکی کوردستان و قەوارەی فیدراڵی ھەرێمی کوردستان بێت. داواش لە ھەموو ھێز و لایەنە کوردستانیەکان دەکەین کە یەکڕیز و یەکدەنگ بن بۆ داکۆکیکردن لە مافە دەستوورییەکانمان".
دواتر وەزیری ناوخۆی ھەرێم، رێبەر ئەحمەد راپۆرتێکی دەربارەی پلانی فریاکەوتنی مرۆیی بۆ پێشوازیکردن لە شەپۆلی تازەی پەنابەرانی سووریا بۆ ھەرێمی کوردستان و دابینکردنی خزمەتگوزارییەکان خستەڕوو. لەم ڕووەوە ئەنجوومەنی وەزیران پێشنیاری وەزیری ناوخۆی پەسەند کرد، بۆ دروستکردنی سندووقێکی ھەمیشەیی فریاکەوتنی مرۆیی لە ھەرێمی کوردستان بۆ ھاندانی حکوومەتی فیدراڵی و ئاژانسەکانی نەتەوە یەکگرتووەکان ولایەنە کۆمەک بەخش و رێکخراوە مرۆییەکان و کۆمپانیاکانی کەرتی تایبەتی ناوخۆ و دەرەوە بۆ بەشداریکردن لەم سندووقەدا.
بڕگەی دووەمی کۆبوونەوەکە، خستنەڕووی دوا ھەنگاوەکانی ئامادەکردنی کارنامەی چوار ساڵەی وەزارەت و دەستە و لایەنەکانی نەبەستراو بە وەزارەت بوو لە چوارچێوەی ھێڵە گشتییەکانی کارنامەی کابینەی نۆیەمی حکوومەتی ھەرێمی کوردستان. لەمبارەیەوە سەرۆکی فەرمانگەی ھەماھەنگی و بەدواداچوون، عەبدولحەکیم خەسرەو راپۆرتێکی خستەڕوو. کە بڕیارە لە نزیکترین دەرفەتدا پەسەند بکرێت و جێبەجێ بکرێت.
سەرۆکی ئەنجوومەنی وەزیران جەختی لە سەر پەلەکردن لە ئامادەکردنەوەی پڕۆژە یاسای چاکسازی و پەسەندکردنی کرد، بەمەبەستی ناردنی بۆ پەرلەمانی کوردستان وەک کارە لەپێشینەکانی ھیڵە گشتییەکانی کابینەی نۆیەم.
پاشان وەزیری شارەوانی و گەشتوگوزار،ساسان عەونی پێشنیاری ھەمواری یەکەمی پەیڕەوی پێکھێنانی ئەنجوومەنەکانی شارەوانی لە ھەرێمی کوردستان خستەڕوو. ئەنجوومەنی وەزیران پێشنیاری وەزیری شارەوانی و گەشتوگوزاری پەسەند کرد بۆ ھەمواری پەیڕەوەکە بەڕەچاوکردنی ئەو تێبینی و سەرنجانەی لە لایەن وەزیرە پەیوەندیدارەکان خرانەڕوو.
ئەمڕۆ چوارشەممە ئەنجوومەنی وەزیرانی ھەرێمی کوردستان، بەسەرپەرشتی سەرۆکی ئەنجوومەنی وەزیران،مەسرور بارزانی و ئامادەبوونی جێگری سەرۆکی ئەنجوومەن،قوباد تاڵەبانی کۆبووەوە.
لە سەرەتای کۆبووەنەوەکەدا، سەرۆکی ئەنجوومەنی وەزیران ئاماژەی بە رووداوی کوشتنی سەرکردەی رێکخراوی تیرۆریستی داعش، ئەبوبەکر بەغدادیی کرد و گوتی: "راستە کوشتنی بەغدادیی زۆر گرنگ بوو، بەڵام ئەمە کۆتایی داعش و تیرۆر نییە، بەڵکو ھێشتا داعش مەترسییەکی جددیە بۆ سەر دانیشتووانی زۆر ناوچەی عێراق". ئاماژەی بەوەش کرد کە ئەفسانەی داعش لە سەر دەستی پێشمەرگە تێکشکێنرا .
پاشان سەرۆکی ئەنجوومەنی وەزیران، تیشکی خستە سەر دوا پێشھاتەکانی عێراق و رایگەیاند کە تێکچوونی بارودۆخی عیراق، لە بەرژەوەندی خەڵکی ھەرێمی کوردستان و عێراق بە گشتی نییە. گوتیشی" ئێمە لەگەڵ داوای ڕەوا و ئاشتییخوازانەی خۆپیشاندەرانین، بەڵام دژی بەکارھێنانی تووندوتیژین لە ھەر لایەکەوە بێت. پشتگیرییش لە سەرۆکوەزیران، عادل عەبدولمەھدی دەکەین بۆ ئەنجامدانی چاکسازییەکان و پێشکەشکردنی خزمەتگوزارییەکان. ھەروەھا ھیچ گۆڕانکارییەکیش لەدەرەوەی رێکارە دەستووریی و یاساییەکان پەسەند ناکەین و دژی ھەر ھەوڵێکیشین بۆ کەمکردنەوە و دەستکاریکردنی دەسەڵات و مافە دەستوورییەکانی ھەرێمی کوردستان لە عێراق ، رێگەش نادەین ھیچ گۆڕانکارییەک لە دەستووری عێراق رووبدات کە دژی ماف و خواستەکانی خەڵکی کوردستان و قەوارەی فیدراڵی ھەرێمی کوردستان بێت. داواش لە ھەموو ھێز و لایەنە کوردستانیەکان دەکەین کە یەکڕیز و یەکدەنگ بن بۆ داکۆکیکردن لە مافە دەستوورییەکانمان".
دواتر وەزیری ناوخۆی ھەرێم، رێبەر ئەحمەد راپۆرتێکی دەربارەی پلانی فریاکەوتنی مرۆیی بۆ پێشوازیکردن لە شەپۆلی تازەی پەنابەرانی سووریا بۆ ھەرێمی کوردستان و دابینکردنی خزمەتگوزارییەکان خستەڕوو. لەم ڕووەوە ئەنجوومەنی وەزیران پێشنیاری وەزیری ناوخۆی پەسەند کرد، بۆ دروستکردنی سندووقێکی ھەمیشەیی فریاکەوتنی مرۆیی لە ھەرێمی کوردستان بۆ ھاندانی حکوومەتی فیدراڵی و ئاژانسەکانی نەتەوە یەکگرتووەکان ولایەنە کۆمەک بەخش و رێکخراوە مرۆییەکان و کۆمپانیاکانی کەرتی تایبەتی ناوخۆ و دەرەوە بۆ بەشداریکردن لەم سندووقەدا.
بڕگەی دووەمی کۆبوونەوەکە، خستنەڕووی دوا ھەنگاوەکانی ئامادەکردنی کارنامەی چوار ساڵەی وەزارەت و دەستە و لایەنەکانی نەبەستراو بە وەزارەت بوو لە چوارچێوەی ھێڵە گشتییەکانی کارنامەی کابینەی نۆیەمی حکوومەتی ھەرێمی کوردستان. لەمبارەیەوە سەرۆکی فەرمانگەی ھەماھەنگی و بەدواداچوون، عەبدولحەکیم خەسرەو راپۆرتێکی خستەڕوو. کە بڕیارە لە نزیکترین دەرفەتدا پەسەند بکرێت و جێبەجێ بکرێت.
سەرۆکی ئەنجوومەنی وەزیران جەختی لە سەر پەلەکردن لە ئامادەکردنەوەی پڕۆژە یاسای چاکسازی و پەسەندکردنی کرد، بەمەبەستی ناردنی بۆ پەرلەمانی کوردستان وەک کارە لەپێشینەکانی ھیڵە گشتییەکانی کابینەی نۆیەم.
پاشان وەزیری شارەوانی و گەشتوگوزار،ساسان عەونی پێشنیاری ھەمواری یەکەمی پەیڕەوی پێکھێنانی ئەنجوومەنەکانی شارەوانی لە ھەرێمی کوردستان خستەڕوو. ئەنجوومەنی وەزیران پێشنیاری وەزیری شارەوانی و گەشتوگوزاری پەسەند کرد بۆ ھەمواری پەیڕەوەکە بەڕەچاوکردنی ئەو تێبینی و سەرنجانەی لە لایەن وەزیرە پەیوەندیدارەکان خرانەڕوو.
