سياسەت, جيهان

وەزیری دەرەوەی ئەمریکا: "دانوستان لەگەڵ ئێران تاهەتایە بەردەوام نابێت"

وەزیری دەرەوەی ئەمریکا، ئانتۆنی بڵینکن ئاشكرایكرد، دانوستانەکان لەبارەی رێکەوتنی ئەتۆمی تاهەتایە بەردەوام نابێت و راشیگەیاند، کە "تۆپ لە یاریگای ئێراندایە".

Sarmand Hameed  | 29.07.2021 - نوێکردنەوە : 30.07.2021
وەزیری دەرەوەی ئەمریکا: "دانوستان لەگەڵ ئێران تاهەتایە بەردەوام نابێت"

Kuwait

کوێت - AA

وەزیری دەرەوەی ئەمریکا، ئانتۆنی بڵینکن ئاشكرایكرد، دانوستانەکان لەبارەی رێکەوتنی ئەتۆمی تاهەتایە بەردەوام نابێت و راشیگەیاند، کە "تۆپ لە یاریگای ئێراندایە".

ئانتۆنی بڵینکن لە کۆنگرەیەکی رۆژنامەوانی هاوبەشدا کە لەگەڵ هاوتا کوێتییەکەی، ئەحمەد ناسر سەباح كه‌ لە کوێت ئەنجامیدا گوتی: "لە ڤیەننا بەشێوەی ناڕاستەوخۆ دانوستانمان لەگەڵ ئێراندا کرد، نیازپاکی خۆمان نیشاندا و خواستی گەڕانەوەمان بۆ رێکەوتنی ئەتۆمی خستەڕوو".

بڵینکن گوتیشی: "تۆپ لە یاریگای ئێراندایە و پێویستە بڕیار بدات. دانوستانی ئەتۆمی تاهەتایە بەردوام نابێت".

لای خۆیەوە وەزیری دەرەوەی کوێت، ئەحمەد ناسر سەباح رایگەیاند ئەمریکا پابەندبوونی قوڵی خۆی بە دەستەبەرکردنی ئاسایشی ناوچەکە نیشانداوە.

رۆژی چوارشەممە، وەزیری دەرەوەی ئەمریکا، ئانتۆنی بڵینکن بەسەردانێکی فەرمی گەیشتە کوێت و ئەمڕۆ پێنجشەممە لەگەڵ میری کوێت، نەواف ئەحمەد جابر کۆبووەوە و تاوتوێی بەهێزکردنی پەیوەندییەکانی نێوان هەردوو وڵات و دوایین پێشهاتەکانی ناوچەکەیان کرد.

بۆ خوێندنەوەی درێژەی ئەم هەواڵە و هەواڵەکانی دیکەی ئاژانسی ئانادۆڵو، ببە بە ئابۆنەی ئاژانسی ئانادۆڵو و کلیک لەسەر ئەم بەستەرە بکەن
بابه‌ته‌ په‌یوه‌ندیداره‌كان
Bu haberi paylaşın