مۆسکۆ - AA

وەزارەتی بەرگریی رووسیا رایگەیاند کە فڕۆکەیەکی چاودێری بەریتانی لە جۆر"RC-135"ی کایەی ئاسمانیی رووسیای بەزاندووە.

لە راگەیەندراوێکدا کە لەلایەن وەزارەتی بەرگریی رووسیا بڵاوکراوەتەوە، ئاماژە بەوە کراوە کە لەسەر دەریای بارنتز سیستمی بەرگریی رووسیا ئامانجێکی دیاریی کردووە.

لە راگەیەندراوەکەدا باس لەوە کراوە کە دوای دەستنیشانکردنی ئامانجەکە فڕۆکەی جەنگی "Mig-31BM"ی رووسی رەوانەی ناوچەکە کراوە و هاتووە ''دەرکەوت کە ئامانجەکە فڕۆکەی چاودێری و جەنگی 'RC-135'ی هێزی ئاسمانی بەریتانیایە. ئەو فڕۆکەیە سنووری دەوڵەتی فیدراڵی رووسیای لە ناوچەی سڤیاتۆی نۆس بورن بەزاندووە''.

لە راگەیەندراوەکەدا ئەوەیش خراوەتەڕوو کە فڕۆکە بەریتانیەکە ناچار کراوە لە کایەی ئاسمانیی رووسیا دەربچێت.