لە کەناری ڕۆژئاوا ٥٤ فەڵەستینی لەلایەن سوپای ئیسرائیلەوە دەستگیرکران

ڕامەڵڵا ــ AA

ھێزەکانی سوپای ئیسرائیل لە ژمارەیەک پارێزگای کەناری ڕۆژئاوا، ٥٤ فەڵەستینییان دەستگیر کرد.

سەرچاوە خۆجێیەکان بە ئاژانسی ئانادۆڵویان ڕاگەیاند کە ھێزەکانی سوپای ئیسرائیل، زنجیرەیەک ھەڵمەتیان بۆ دەستگیرکردنی فەڵەستنییەکان لە شاری نابلوس، بەیت لەحم، قەلقیلیە، توڵکەرەم و ڕامەڵڵا لە کەناری ڕۆژئاوا، ئەنجامداوە.

بە گوتەی سەرچاوەکان لە میانی ھەڵمەتەکاندا، ٥٣ فەڵەستینی لەلایەن ھێزەکانی سوپای ئیسرائیل دەستگیرکراون.

ھەروەھا سەرچاوەکان باسیان لەوەش کرد کە لە شارۆچکەی ئیزنا ڕۆژئاوای خەلیل باشووری کەناری ڕۆژئاوا، کچە ڕۆژنامەنووسێک بە ناوی ئیناس ئەخلاوی لەلایەن سوپای ئیسرائیلەوە دەستگیرکراوە.