لە باشووری لوبنان ١١ کەس بە تەقەی سەربازانی ئیسرائیل کوژران

بەیروت ــ AA

وەزارەتی تەندروستی لوبنان ڕایگەیاند کە ١١ کەس لە باشووری لوبنان بە تەقەی سوپای ئیسرائیل کوژران و ٨٣ کەسی دیکەش بریندارکراون.

وەزارەتەکە لە ڕاگەیاندراوێکدا ئاماژەی بەوەداوە کە ژمارەیەک کەس لە ئاوارەکانی دانشتووی ناوچەکانی باشووری لوبنان لە کاتی گەڕانەوەیان بۆ ناوچەکانیان، لەلایەن سەربازانی ئیسرائیلەوە تەقەیان لێکراوە.

ڕاشیگەیاندووە کە لە ئاکامی تەقەکردنەکەدا، ١٠ ھاووڵاتی مەدەنی و سەربازێک کوژراون و ٨٣ی کەسی دیکەش برینداربوون.