جيهان, کۆڤید- ١٩

لە ئێران گیانلەدەستدان بە کۆرۆنا ٢٤ هەزار کەسی تێپەڕاند

لە ئێران ١٦٦ تووشبووی دیكه‌ی ڤایرۆسی كۆرۆنای نوێ گیانیان له‌ده‌ستدا، ‌دوو هه‌زار و ٨٤٥ حاڵه‌تی نوێی تووشبوون به‌و په‌تایه‌ تۆماركرا.

Muhammet Kurşun  | 20.09.2020 - نوێکردنەوە : 20.09.2020
لە ئێران گیانلەدەستدان بە کۆرۆنا ٢٤ هەزار کەسی تێپەڕاند

Tahran

تاران - AA

لە ئێران له‌ میانی ٢٤ كاتژمێری رابردوودا، ١٦٦ تووشبووی دیكه‌ی ڤایرۆسی كۆرۆنای نوێ (COVID-19) گیانیان له‌ده‌ستداوه‌.

تێکڕای ژماره‌ی ئه‌و کەسانه‌ی تا ئێستا لە ئێران به‌هۆی ئه‌و په‌تایە‌وه‌ گیانیان له‌ده‌ستداوه‌ به‌رزبووه‌ته‌وه‌ بۆ ٢٤ هه‌زار و ١١٨ كه‌س.

گوته‌بێژی وه‌زاره‌تی ته‌ندروستیی ئێران، سیما سادات لاری رایگه‌یاند کە له‌ میانی ٢٤ كاتژمێری رابردوودا، ١٦٦ تووشبووی دیكه‌ی ڤایرۆسی كۆرۆنای نوێ گیانیان له‌ده‌ستداوه‌، هه‌روه‌ها دوو هه‌زار و ٨٤٥ حاڵه‌تی نوێی تووشبوون به‌و په‌تایه‌ تۆمار كراوە.

سیما سادات لاری باسی لەوە کرد کە تا ئێستا ٢٤ هه‌زار ١١٨ كه‌س لە ئێران به‌هۆی كۆرۆناوه‌ گیانیان له‌ده‌ستداوه‌ و ژماره‌ی تووشبووانیش گه‌یشتووه‌ته،‌ ٤١٩ هه‌زار و ٤٣ كه‌س.

گوته‌بێژی وه‌زاره‌تی ته‌ندروستیی ئێران ئەوەشی خستەڕوو کە ره‌وشی ته‌ندروستی سێ هه‌زار و ٨٩٣ نه‌خۆش ناجێگیره‌ و، تا ئێستاش ٣٥٧ هه‌زار و ٦٣٢ تووشبووی پەتاکە چاكبوونه‌ته‌وه‌.

لاری هەروەها باسی لەوە کرد کە لە تەواوی ئێران-دا، سێ ملیۆن و ٧١٩ هەزار و ٢١٠ پشکنین بۆ پەتاکە ئەنجامدراوە.

گوتەبێژی وەزارەتی تەندروستیی ئێران ئاماژەی بەوەشدا کە پارێزگاکانی تاران، مازەندەران، گیلان، قوم، ئەسفەهان، خۆراسانی رەزەوی، ئازەربایجانی رۆژهەڵات، کرمان، خۆراسانی باکوور، سیمنان، یەزد، زەنجان و قەزوین-ی بە "ناوچەی سوور" و پارێزگاکانی ئازەربایجانی رۆژئاوا، ئەلبورز، فارس، لوڕستان، هورموزگان، ئەردەبیل، بووشەهر، کرماشان، کۆهگلویە-بویەر ئەحمەد، خۆراسانی باشوور، مەرکەزی، ئیلام، چەهارمەحال-بەختیاری، گولستان و خوزستان-ی بە "ناوچەی مەترسیدار" ناوبرد.

بۆ خوێندنەوەی درێژەی ئەم هەواڵە و هەواڵەکانی دیکەی ئاژانسی ئانادۆڵو، ببە بە ئابۆنەی ئاژانسی ئانادۆڵو و کلیک لەسەر ئەم بەستەرە بکەن
بابه‌ته‌ په‌یوه‌ندیداره‌كان
Bu haberi paylaşın