لیبیا.. بۆردومانكردنی فڕۆكەخانەی معێتیقە لە لایەن هێزەكانی حەفتەرەوە
- راگەیەندرا كە فڕۆكەخانەی نێودەوڵەتی معێتیقە رۆژهەڵاتی شاری تەرابلوس پایتەختی لیبیا بە چڕی لە لایەن فڕۆكە جەنگییەكانی سەربە هێزەكانی جەنەراڵ خەلیفە حەفتەرەوە بۆردومانكراوە.
Libyan
تەرابلوس ــ AA
راگەیەندرا كە فڕۆكەخانەی نێودەوڵەتی معێتیقە رۆژهەڵاتی شاری تەرابلوس پایتەختی لیبیا بە چڕی لە لایەن فڕۆكە جەنگییەكانی سەربە هێزەكانی جەنەراڵ خەلیفە حەفتەرەوە بۆردومانكراوە.
لەوبارەوە گوتەبێژی ژووری ئۆپەراسیۆنی "گڕكانی توڕەیی" سەربە هێزەكانی حكوومەتی تەبایی نیشتمانی لیبیا، مستەفا مەجعی لە لێدوانێكدا بە ئاژانسی ئانادۆڵوی رایگەیاند كە لە دوێنێ یەكشەممەوە تا ئێستا، فڕۆكە جەنگییەكانی سەربە هێزەكانی جەنەراڵ خەلیفە حەفتەر چوار جار بەچڕی فڕۆكەخانەی نێودەوڵەتی معێتیقەیان بۆردومانكردووە.
مستەفا مەجعی زانیاری زیاتری لەوبارەوە نەخستەڕوو، هەروەها هێزەكانی جەنەراڵ خەلیفە حەفتەریش هیچ زانیاری و روونكردنەوەیەكیان لەوبارەوە بڵاونەكردووەتەوە.
ئەم پێشهاتەش لە كاتێكدایە كە هێشتا هێرشی هێزەكانی سەربە لیوا خەلیفە حەفتەر كە لە ٤ی نیسانی رابردوودا بۆسەر شاری تەرابلوس دەستیان پێكردووە، بەردەوامە.
لە بەرامبەردا هێزەكانی سەربە حكوومەتی تەبایی نیشتمانی كە لەسەر ئاستی نێودەوڵەتی دانی پێدانراوە، ئۆپەراسیۆنێكیان لەژێر ناوی "گڕكانی توڕەیی" بە ئامانجی بەرپەرچدانەوەی هێرشی میلیشیاكانی حەفتەر دەستپێكردووە.
حكوومەتی تەبایی نیشتمانی لیبیا، ژمارەیەك وڵاتی هەرێمیی لەنێویاندا ئیمارات بەوە تۆمەتبار دەكات كە پاڵپشتی دەكەن لە هێزەكانی سەربە لیوا خەلیفە حەفتەر بە تایبەتیش لەو هێرشانەی كە بۆسەر شاری تەرابلوس و هێزەكانی حكوومەتی تەبایی نیشتمانی ئەنجامی دەدەن.