له‌ پیرانشار هێرش كرایه‌ سه‌ر سوپای پاسداران

تاران - AA

لە شاری پیرانشاری سەر بە پارێزگای ئازەربایجانی رۆژئاوا (خانێ) لە باکووری رۆژئاوای ئێران هێرش کرایە سەر ئۆتۆمبێلێکی سوپای پاسداران و ٣ ئه‌ندامی سوپا كوژران.

بەپێی هەواڵێکی میدیای دەوڵەتی ئێران، هێرشی چەکداری کراوەتە سەر ئۆتۆمبێلێکی سوپای پاسداران لە شارۆچکەی پیرانشاری سەر بە پارێزگای ئازەربایجانی رۆژئاوا.

لە هێرشەکەدا ٣ پاسدار كوژراون كه‌ پله‌ی یه‌كێكیان عه‌قید بووه‌ و یەک كه‌سیش بریندار بووە.

تائێستا هیچ لایه‌نێك بەرپرسیارێتی خۆی لە هێرشه‌كه‌ رانەگەیاندووە.