Ruslan Rehimov
21 تشرینی یەکەم 2020•نوێکردنەوە: 21 تشرینی یەکەم 2020
باکو- AA
سوپای ئازەربایجان بەردەوامە لە رزگارکردنی خاکە داگیرکراوەکانی.
وەزارەتی بەرگریی ئازەربایجان لە راگەیەندراوێکدا ئەوەی ئاشکرا کرد کە بەدرێژایی شەوی رابردوو، ئۆپەراسیۆنەکانیان لە ئاغدەرە، فوزولی، جەبرائیل و گوبادلی بەردەوام بووە.
ئەوەش خراوەتەڕوو کە هێزەکانی ئەرمینیا بە تۆپ و هاوەن هێرشیان کردووەتە سەر هێڵی بەرگریی ئازەربایجان، بەڵام سوپای ئەرمینیا لە ناوچەکانی جەبرائیل و گوبادلی ناچار بە پاشەکشێ بووە.
سوپای ئازەربایجان ئەوەی راگەیاند کە دەستیان بەسەر ژمارەیەکی زۆر پارچە چەک و برێکی گەورەی تەقەمەنی سوپای ئەرمینیادا گرتووە و ژمارەیەکی زۆر سەربازیش لە چالاکی خراون.
