سبەی وەزیری دەرەوەی تورکیا فیدان سەردانی فەڕەنسا دەکات

ئەنقەرە - AA

وەزیری دەرەوەی تورکیا، هاکان فیدان سبەی سەردانێکی فەڕمی بۆ فەڕەنسا ئەنجامدەدات و، لەگەڵ وەزیری فەرەنسا بۆ کاروباری ئەورووپا و وەزیری دەرەوەی وڵاتەکە، ژان نۆێل-بارۆت کۆدەبێتەوە.

بەپێی سەرچاوەکانی وەزارەتی دەرەوەی تورکیا، فیدان سبەی سەردانێکی فەڕمی بۆ پاریس ئەنجام دەدات.

لەو سەردانەیدا فیدان لەگەڵ بارۆت کۆدەبێتەوە و، لە پاڵ پەیوەندییە دووقۆڵییەکانی تورکیا-فەڕەنسا، پەیوەندییەکانی تورکیا-یەکێتیی ئەورووپا، ئاسایشی ئەورووپا، جەنگی ئۆکراینا-ڕووسیا، پرسە هەنووکەییە هەرێمی و نێودەوڵەتییەکان بە تایبەتی غەززە و سووریا تاوتوێ دەکات.