تره‌مپ: "ئێران هەڵەیەکی گەورەی کرد"

واشتنتۆن - AA

سەرۆکی ئەمریکا، دۆناڵد ترەمپ لەبارەی خستنە خوارەوی فڕۆکەیەکی بێفڕۆکەوانی ئەمریکی لەسەر گەرووی ھورمز لەلایەن ئێران گوتی: "ئێران ھەڵەیەکی زۆر گەورەی کرد".

لە سەروبەندی زیادبوونی گرژی نێوان ئەمریکا و ئێران، سەرۆکی ئەمریکا دۆناڵد ترەمپ لە ھەژماری تایبەتی خۆی لە تۆڕی کۆمەڵایەتی تویتەر چاوی سوورکردنەوەی نیشانی ئێران دا.

ترەمپ لە تویتێکی یەک رستەییدا گوتی: "ئێران ھەڵەیەکی گەورەی کرد".

لەلایەکی دیکەش، ئەمڕۆ کۆبوونەوەیەک لە کۆشکی سپی لەبارەی چۆنییەتی نیشاندانی کاردانەوە لەبەرامبەر ئێران بەھۆی خستنە خوارەوەی ئەو فڕۆکە بێفڕۆکەوانە ئەنجامدرا و تا ئێستاش کۆشکی سپی ھیچ وردەکاریەکی لەمبارەیەوە بڵاونەکردووه‌ته‌ه‌وه‌.

فەرماندەی ھێزەکانی ناوەندی ئەمریکا (CENTCOM)، خستنەخوارەوەی فڕۆکەیەکی بێ فڕۆکەوانی سەر بە ھێزەکانی ئەمریکا لەلایەن ئێران کە لەسەر گەرووی ھورمز فڕیوە، پشتڕاستکردەوە.

لە راگەیەندراوێکی سوپای پاسداراندا کە لە ماڵپەڕی خۆیان بڵاویانکردۆتەوە ئاماژە بەوە کراوە کە ھێزی ئاسمانیی سەربە سوپای پاسداران، فڕۆکەیەکی بێفڕۆکەوانی ھێزی ئاسمانیی ئەمریکا لە جۆری Global Hawk کە لەسەر ئاسمانی پارێزگای ھورمزگان کە دەڕوانێتە سەر کەنداوی عومان، خستووەتە خوارەوە.