ئەنجوومەنی پیران یاسای رێگری لە فرۆشتنی چەک بە سعوودیەی پەسند کرد

واشنتۆن - AA

ئەنجوومەنی پیرانی ئەمریکا ئەو پڕۆژە بڕیارەی پەسند کرد کە تێدا رێگری لە فڕۆشتنی چەک بە سعوودیە لەلایەن ئەمریکا دەکات.

پڕۆژە بڕیارەکە بە ٥٣ دەنگی بەڵێ و بەرامبەر ٤٥ دەنگی نەخێر لە ئەنجوومەنی پیرانی ئەمریکا پەسند کرا و ئەوەی جێگەی سەرنج بوو، سێناتۆرەکانی کۆماری و دیموکراتەکانیش پشتیوانیان لە پەسندکردنی ئەو بڕیارە کرد.

پێش دەنگدانەکە، ژمارەیەک سێناتۆری ئەمریکا لێدوانیان دا و رایانگەیاند کە پرسی کوشتنی رۆژنامەنووسی سعوودی، جەمال خاشقچی لە نێو کونسوڵخانەی سعوودیە لە شاری ئیستانبوڵ لەبەرچاو دەگیرێ و جەختیشیان لەوە کردەوە کە دەبێ ئیدارەی سعوودیە بە بەرپرسیار بگیرێ لەم بابەتە.

ترەمپ بەمەبەستی فرۆشتنی ٢٢ چەکی جیاواز بە ئیمارات و سعوودیە دەسەڵاتی دۆخى بەپەلەی لەبەرامبەر کۆنگرێس بەکارھێنا، ئەمەش کاردانەوەی ئەنجوومەنی نوێنەران و پیرانیشی لێ کەوتبووەوە.

لەلایەکی دیکەش پڕۆژە یاسایەکی ھاوشێوە کە لە مانگی نیسان لەلایەن کۆنگرێسی ئەمریکا پەسند کرابوو، ترەمپ دەسەڵاتی ڤیتۆی بەکارھێنا.