ئەنجوومەنى ئاسايشى نێودەوڵەتى بۆبەرەنگاربوونەوەى كۆرۆنا بڕيارى ئاگربەستى مرۆڤايەتى پەسەند كرد
-ئاگربەستەكە، ئەو تاك و گروپانە ناگرێتەوە كەئەندامن يان پەيوەندييان ئەو رێكخراوە تيرۆريستييانەى كە لەلايەن ئەنجوومەنى ئاسايشەوە دياريكراون وەكو داعش، ئەلقاعيدە و ئەلنوسرە.
New York
نەتەوەيەكگرتووەكان - AA
له چوارچێوه‌ی به‌ره‌نگاربوونه‌وه‌ی په‌تای ڤایرۆسی كۆرۆنادا، ئه‌نجوومه‌نی ئاسایشی نێودەوڵەتى ئه‌و بڕیاره‌ی په‌سه‌ندكرد كه داوای بەستنی ٩٠ رۆژ ئاگربه‌ستی مرۆیی له سه‌رتاسه‌ری جیهاندا ده‌كات .
دواى سێ مانگ لە تاوتوێکردن لەسەر داواكارى سكرتێرى گشتيى نەتەوەيەكگرتووەكان، ئانتۆنيۆ گوتەرێس، بۆ ئاگربەستى مرۆڤايەتيى جيهانى پڕۆژە بڕيارى "COVID-19" كە فەڕەنسا و تونس ئەندامى كاتيى ئەنجوومەنى ئاسايشن پێشكەشيان كردبوو خرايە دەنگدانەوە.
لەبەر ئەوەى كە بەهۆى پاندەمييەوە ناتوانرێت لە ئەنجوومەنى ئاسايش دەنگدان ئەنجامبدرێت، ماوەى ٢٤ كاتژمێر درا بە وڵاتانى ئەندام بۆ دياريكردنى بڕيارەكانيان و بڕيارەكە بە كۆى دەنگى هەر ١٥ وڵاتى ئەندام پەسەندكرا.
ئەو بڕيارەى ئەنجوومەنى ئاسايش نیگەرانى قوڵى دەربرى لەبەرامبەر كاريگەرە رووخێنەرەكانى پەتاى ڤايرۆسى كۆرۆنا بە تايبەتى لە ناوچەكانى شەڕ و پێكدادان و داواى كرد بۆ ماوەى ٩٠ رۆژ ئاگربەستى مرۆڤايەتى رابگەيندرێ.
ئاگربەستەكە، ئەو تاك و گروپانە ناگرێتەوە كەئەندامن يان پەيوەندييان ئەو رێكخراوە تيرۆريستييانەى كە لەلايەن ئەنجوومەنى ئاسايشەوە دياريكراون وەكو داعش، ئەلقاعيدە و ئەلنوسرە.
