ئەردۆغان : "(لە منبج) لە ئێستادا نەزانراوە و دیار نییە کە چی روودەدات"

سۆچی - AA

سەرکۆماری تورکیا، رەجەب تەیب ئەردۆغان لەبارەی بڕیاری کشانەوەی ئەمریکا لە سووریا گوتی: "لەبارەی ئەوەی کە چی روودەدات، لە ئێستادا دیار نییە و نەزانراوە. ئێمە وەک سێ وڵاتانی قۆناغی ئاستانا چاودێری ئەو ھەنگاوانە دەکەین کە لەمبارەیەوە دەھاوێژرێن".

لە دوای ئەنجامدانی لووتکەی سێ قۆڵی لەبارەی پرسی "سووریا" بە بەشداری سەرکۆماری تورکیا، رەجەب تەیب ئەردۆغان، سەرۆکی رووسیا، ڤلادمیر پوتین و سەرکۆماری ئیًران، حەسەن رووحانی لە شاری سۆچی، کۆنگرەیەکی رۆژنامەوانی ھاوبەش رێکخرا.

رۆژنامەنووسیک لە پرسیارێکدا پرسی دەستپێکردنی ئەرکی چاودێر لە باکووری رۆژھەڵاتی سووریا لەلایەن ئەمریکا و تاوتوێکردنی ئەم پرسەش لەگەڵ ھاوپەیمانانی ناتۆ وەبیر ھێنرایەوە و پرسیار لە بۆچوونی سەرکردەکان لەمبارەیەوە کرا.

ئەردۆغان لەمبارەیەوە گوتی: "تورکیا وەک وڵاتێکی ئەندام لە ناتۆ، ئەوە دەبینین کە بڕیاری کشانەوەی ئەمریکا لە سووریا تایبەتە بە بەڕێز ترەمپ، بەڵام بەداخەوە ھاوکارانی ترەمپ لەگەڵ ئەم بۆچوونەدا نین. ئەگەر ئەمە ھەنگاوێکی بەرقەرار بێت و ھەنگاوی پێویست لەمبارەیەوە ھاوێژرابێت ئەوا دەبوایە ئێستا بەشێکی زۆری کارەکان جێبەجێ بکرابا".

سەرکۆماری تورکیا، رەجەب تەیب ئەردۆغان زیاتر گوتیشی: "ئێستا باس لە مانگی نیسان دەکرێ، باس لە مانگی ئایار دەکرێ. لەبارەی ئەوەی کە چی روودەدات، لە ئێستادا نەزانراوە و دیار نییە. ئێمە وەک سێ وڵاتانی قۆناغی ئاستانا چاودێری ئەو ھەنگاوانە دەکەین کە لەمبارەیەوە دەھاوێژرێن. خەمی ئێمە، یەکپارچەیی خاکی سووریایە بەڵام دەبێت ھەرچی زووترە منبج لە رێکخراوە تیرۆریستییەکان چۆڵ بکرێت و نابێت ئیدلب چۆڵ بکرێت بۆ رێکخراوە تیرۆریستییەکان ببێتە مەیدانی یارییەکانیان. خەڵکی سووریا خاوەنی ئەم خاکانەن".