ئازەربایجان.. گیانلەدەستدانی سێ مەدەنی لە هێرشی مووشەکیی ئەرمینیادا

بەردە - AA

ئەرمینیا هێرشی مووشەکیی کردە سەر ناوەندی شاری بەردە ناوەڕاستی ئازەربایجان، بەپێی ئامارە بەراییەکان لە هێرشەکەدا، سێ هاووڵاتی مەدەنی گیانیان لەدەستداوە و ژمارەیەکی زۆریش برینداربوون.

ئەو مووشەکە کە لە خاکی ئەرمینیاوە ئاراستە کرابوو لە ناوەندی شاری بەردە لە دەرەوەی سنووری کارگێڕی قەرەباغ کەوتەخوارەوە و لە ئەنجامدا، سێ کەس گیانیان لەدەستدا و ژمارەیەکی زۆریش برینداربوون.

لە هێرشەکەدا، سێ ئۆتۆمبێل لە ناوەڕاستی شارەکە بەتەواوی سووتان و چەندین شوێنکاریش زیانیان بەرکەوت.

سەبارەت بە هێرشەکە، گەواهیدەرێک لە کاسبکاران بۆ ئاژانسی ئانادۆڵو گوتی: ''لە پڕێکدا دەنگی تەقینەوەیەکم بیست. لەناو دووکاندا بووم. کەسێک کە لەبەردەم دووکانەکەدا وەستابوو برینداربوو. تێنەگەشتم چی روویدا''.