Istanbul
ئیستانبوڵ ــ AA
گوتەبێژی گەورە شارەوانی ئیستانبوڵ، موراد ئونگۆن رایگەیاند كە سەرۆكی گەورە شارەوانی ئیستانبوڵ، ئەكرەم ئیمامئۆغڵو تووشی ڤایرۆسی كۆرۆنای نوێ (COVID-19) بووە.
موراد ئونگۆن لە هەژماری تایبەتی خۆی لە تۆڕی كۆمەڵایەتی تویتەر نووسیوویەتی: "دوای ئەنجامدانی پشكنینی ڤایرۆسی كۆرۆنا بۆ ئەكرەم ئیمامئۆغڵو دەركەوت كە تووشی ڤایرۆسی كۆرۆنا بووە".
ئەوەیشی نووسیووە: "لەئێستادا سەرۆكی گەورە شارەوانی ئیستانبوڵ، ئەكرەم ئیمامئۆغڵو لە نەخۆشخانە چارەسەر وەردەگرێت و رەوشی تەندروستیی باشە".
لای خۆیەوە پارێزگاری ئیستانبوڵ، عەلی یەرلی كایا لە هەژماری تایبەتی خۆی لە تۆڕی كۆمەڵایەتی تویتەر نووسیوویەتی: "پەیوەندیم بە سەرۆكی گەورە شارەوانی ئیستانبوڵ، ئەكرەم ئیمامئۆغڵووە كردووە و هیوای چاكبوونەوەمان بۆ خواستووە".
بەپێی دوایین ئامارەكانی وەزارەتی تەندروستیی توركیا، تا ئێستا 357 هەزار و 693 كەس لە توركیا تووشی ڤایرۆسی كۆرۆنا بوون كە لەو ژمارەیە 311 هەزار و 520یان چاكبوونەتەوە و نۆ هەزار و 658ی دیكەیش گیانیان لەدەستداوە.
بۆ خوێندنەوەی درێژەی ئەم هەواڵە و هەواڵەکانی دیکەی ئاژانسی ئانادۆڵو، ببە بە ئابۆنەی ئاژانسی ئانادۆڵو و کلیک لەسەر ئەم بەستەرە بکەن