وەزارەتی بەرگریی تورکیا: "لە ناوچەی ئۆپەراسیۆنی چنگ-هه‌وره‌تریشقە، سێ سەربازمان شەهیدبوو"

ئەنقەرە- AA

وەزارەتی بەرگریی تورکیا، شەهیدبوونی سێ سەربازی لە ناوچەی ئۆپەراسیۆنی چنگ-هەورەتریشقە لە باکووری عێراق راگەیاند.

لە راگەیەندراوێکدا وەزارەتی بەرگریی ئەوەی خستووەتەڕوو کە دوێنێ بەهۆی تەقینەوەی بۆمبێکەوە کە لەلایەن تیرۆریستانی پەکەکە نرابووەوە، سێ سەربازی تورکیا شەهیدبوون و دوو سەربازی دیکەش برینداربوون.

هەروەها ئەوەش هاتووە کە "ئەم رووداوە لە ناخەوە دڵتەنگی کردین لە خوای گەورە داواکارین لە شەهیدەکانمان خۆشبێت، سەبووری خێزانەکانیان و گەلەکەمان بدات و شفای خێراش بۆ بریندارەکان بنێرێت".