لە ناوچەی قەڵغانی فورات پێنج تیرۆریستی پەکەکە/یەپەگە لە چالاکی خران

ئەنقەرە - AA

وەزارەتی بەرگریی تورکیا لە چالاکی خستنی پێنج تیرۆریستی پەکەکە/یەپەگەی ڕاگەیاند.

بە پێی ڕاگەیاندراوێکی وەزارەتی بەرگریی تورکیا، لە ناوچەی ئۆپەراسیۆنەکانی قەڵغانی فورات لە باکووری سووریا، پێنج تیرۆریستی پەکەکە/یەپەگە لە لایەن سوپای تورکیاوە لە چالاکی خران.

لە ڕاگەیەندراوەکەدا هاتووە: "لە باکووری سووریا پێنج تیرۆریستی پەکەکە/یەپەگە کە لە ناوچەی ئۆپەراسیۆنەکانی قەڵغانی فورات لە ئامادەکاریی دابوون بۆ هێرشکردنە سەر سوپای تورکیا، لە لایەن کۆماندۆکانی سوپاوە لە چالاکی خران" و جەختیش لەبەردەوامی ئۆپەراسیۆنەکان هەتا لە چالاکی خستنی دوایین تیرۆریست کراوەتەوە.