بەفربارین لە ئەردەخان و قەرس دەستی پێ کرد

قەرس - AA

لە پارێزگاکانی ئەردەخان و قەرس باکووری رۆژهەڵاتی تورکیا، بەفربارین دەستی پێ کرد.

شەوی رابردوو لە پارێزگای قەرس بەفربارین بە شێوەی پچڕپچڕ بەردەوام بوو و ناوەندی پارێزگاکەی سپیپۆش کرد.

هاووڵاتییانی قەرس لە بەیانیدا بەفری کەڵەکەبووی سەر ئۆتۆمبێلەکانیان پاک کردەوە و تیمەکانی شارەوانیش لە بەرزاییەکان دەستیان بە راماڵینی بەفری سەر رێگاکان کرد.

لە شارۆچکەی ساریکامیش، بەفرباری و لە ناوەندی خلیستکێنەی جەبەلتەپە ئەستووری بەفرەکە گەیشتە ١٥ سانتیمەتر.

هاووڵاتییەکی شارەکە بەناوی فاتیح جەنگیز گوتی: "هەموو شوێنێک سپیپۆش بووە، هێواش هێواش زستان دێت، پشت بە خوا وەرزێکی جوان دەبێت".

بەشێک لە ئاژەڵدارەکانیش هەوڵیاندا مەڕ و بزنەکانیان لەو ناوچانە بلەوەڕێنن کە بەفرێکی کەمیان لێباریوە.

- ئەردەخان

بە هەمان شێوە لە پارێزگای ئەردەخان-یش بەفربارین دەستی پێ کرد.

لە بەیانیدا بەهۆی بارینی بەفر بە شێوەی پچڕپچڕ هەموو لایەک سپیپۆش بوو.

پلەکانی گەرمی لە شەودا بۆ سێ پلەی ژێر سفر دابەزین.

- سەرما لە ئەرزەڕۆم

لە شاری ئەرزەڕۆم باکووری رۆژهەڵاتی تورکیاش پلەکانی گەرما بۆ سفر پلە دابەزین و بەوهۆیەشەوە جامی ئۆتۆمبێلەکان، درەخت و کورسی سەر شەقامەکان، بەستی.

بەهۆی هەوای ساردیشەوە بەشێک لە شەقام و کۆڵانەکان بەستنی و چیاکانی دەوروبەری شارەکەش بە بەفر داپۆشران.