قەرس - AA

بارینی بەفر و سەرما& لە قەرس، کاریگەری لەسەر ژیانی هاووڵاتیان دروست کردووە.

بەهۆی بارینی بەفر لە بەرزاییەکانی شارەکە، گوندەکانی ناوچەکە بەرگی سپیان پۆشی و، ئەمەیش دیمەنێکی جوان و قەشەنگی بە گوندی بۆرلوک بەخشی.

بەهۆی کاریگەری سەرما، لە ناوەندی شارەکە ئۆتۆمبێل و ڕووەکەکان زوقمیان گرت.

لە قەزای ساریکامیش کە پلەی گەرما لە شەودا دابەزی بۆ شەش پلە ژێر سفری سەدی، جامی ئۆتۆمبێلەکان بەستیان و ڕووەکەکان زوقمیان گرت. ژمارەیەک لە هاووڵاتیان بۆ پاراستنی ئۆتۆمبێلەکانیان لە بەستن بە بەتانی و فەرش دایانپۆشین.

ناوچەی ئاجیسو کە پێنج کیلۆمەتر لە قەزاکە دوورە، ئاوی ڕووبارە بچووکەکان بەستی و، چیاکانی سوپهان و کۆسە ڕەنگی سپیان پۆشی.