چاوشئۆغڵو: "كۆبوونەوەكەی جنێڤ لەبارەی قوبڕس كۆبوونەوەيەكى نافەرمييە و لێرەوە دانوستانێکی نوێ دەستپێناكات"

وەزیری دەرەوەی تورکیا، مەولود چاوشئۆغڵو، رایگەیاند "(لە قوبڕس) ئێمە چیتر کات بە چارەسەری فیدڕاڵی بە فیڕۆ نادەین. لەو بروایەداین کە دەبێت تاوتوێی بیروبۆچوونی نوێ و دیدێکی نوێ بکرێت".

چاوشئۆغڵو، لەگەڵ سەرکۆماری کۆماری تورکی قوبرسی باکوور، ئەرسین تاتار، لە سەرۆکایەتی کۆماری تورکی قوبرسی باکوور کۆنگرەیەکی رۆژنامەوانی ھاوبەشیان ئەنجامدا.

مەولود چاوشئۆغڵو لەبارەی قوبڕس گوتی: "ئێمە چیتر کات بە چارەسەری فیدڕاڵی بە فیڕۆ نادەین. لەو بروایەداین کە دەبێت تاوتوێی بیروبۆچوونی نوێ و دیدێکی نوێ بکرێت. بۆ ئەمەش لەچوارچێوەی راستییەکانی دوورگەکەدا، ڤێرژنێک و چوارچێوەیەک دەخەینەروو کە یەکسانی، جێگیر، بەردەوام و قازانج-قازانج بۆ سەرجەم لایەنەکان دەھێنێت".

- "کۆبوونەوەی جنێڤ، کۆبوونەوەیەکی نافەرمییە"

وەزیری دەرەوەی تورکیا مەولود چاوشئۆغڵو، جەختی لەوە کردەوە کە ئەوان دەیانەوێت دەست بە گوتوێژێکی نوێ کە راستی، مانادار و یەکسان بکرێت و ئاماژەی بەوەش کرد کە وابيردەکەنەوە کە تەنھا دەستپێکردنی گوتوێژێک لەم چوارچێوەدا بەسوود دەبێت.

چاوشئۆغڵو گوتی: "کۆبوونەوەی ٥+١ لە جنێڤ کۆبوونەوەیەکی نا فەرمییە. لێرەوە دانوستانێکی نوێ دەستپێناکات".