جيهان

خەلیفە بن زاید ئالنەھیان کۆچی دوایی کرد

سەرۆکی ئیمارات، خەلیفە بن زاید ئالنهەیان کۆچی دوایی کرد.

Yassine Aydi, Hacer Başer   | 13.05.2022
خەلیفە بن زاید ئالنەھیان کۆچی دوایی کرد

Abu Dhabi

ئەبوزەبی- AA

سەرۆکی ئیمارات و فەرماندەی گشتیی هێزە چەکدارەکان، خەلیفە بن زاید ئالنەھیان کۆچی دوایی کرد.

ئاژانسی فەرمی "WAM"ی ئیماراتی، بە پشتبەستن بە وەزارەتی ناوخۆی ئەو وڵاتە، هەواڵی کۆچی دوایی شێخ خەلیفە بن زاید ئالنەھیان -ى راگەیاند.

لەو بارەیەشەوە وەزارەتی ناوخۆ راگەیەندراوێکی بڵاوکردوەتەوە و تیایدا هاتووە رۆژی هەینی گیانلەدەستدانی ئالنەھیان لە تەمەنی ٧٤ ساڵیدا بە گەلی ئیمارات، جیهانی عەرەبی و ئیسلامی راگەیەندرا.

هەروەها لەمڕۆوە بۆ ماوەی ٤٠ رۆژ ماتەمینی سەرتاسەری لەو وڵاتەدا راگەیەندرا و لە هەموو شوێنە گشتییەکان ئاڵای ئیمارات بۆ نیوە نزمکرایەوە، لە سەرجەم فەرمانگەکانی حکوومەت و کەرتی تایبەتیشدا بۆ ماوەی سێ رۆژ پشوو راگەیەندرا.

جێی ئاماژەیە خەلیفە بن زاید، کوڕی گەورەی زاید بن سوڵتان ئالنەھیانى یەکەم سەرۆکی ئیمارات بوو و لە دوای کۆچی دوایی باوکی هاتبووە سەر دەسەڵات.


بۆ خوێندنەوەی درێژەی ئەم هەواڵە و هەواڵەکانی دیکەی ئاژانسی ئانادۆڵو، ببە بە ئابۆنەی ئاژانسی ئانادۆڵو و کلیک لەسەر ئەم بەستەرە بکەن
بابه‌ته‌ په‌یوه‌ندیداره‌كان
Bu haberi paylaşın