جيهان

تورکیا ئیدانەی پەلامارەکەی ئەفغانستان-ی کرد

Behlül Çetinkaya   | 15.10.2021
تورکیا ئیدانەی پەلامارەکەی ئەفغانستان-ی کرد

Ankara

ئەنقەرە- AA

وەزارەتی دەرەوەی تورکیا، راگەیەندراوێکی لە بارەی پەلامارە تیرۆریستییەکەی ویلایەتی قەندەهار-ی ئەفغانستان-ەوە بڵاوکردەوە.

لە راگەیەندراوەکەی وەزارەتدا هاتووە: "بە غەم و پەژارەیەکی زۆرەوە هەواڵی پەلامارە تیرۆریستییەکەی قەندەهار-مان پێگەیشت کە ئەمڕۆ لە کاتی نوێژی هەینیدا روویدا و بووە هۆی کوژرانی کەسانێکی زۆر، بەتووندی ئیدانەی ئەم پەلامارە نامرۆڤانانە دەکەین کە لە ماوەی رابردوودا بەشێوەیەکی تایبەت مزگەوتەکان دەکەنە ئامانج، نزای لێخۆشبوونیش بۆ ئەو کەسانە دەکەین کە گیانیان لەدەستداوە و هیوای زوو چاکبوونەوەش بۆ بریندارەکان دەخوازین".

جێی وەبیرهێنانەوەیە ئەمڕۆ لە کاتی نوێژی هەینیدا پەلامارێکی تیرۆریستی کرایە سەر مزگەوتێکی ویلایەتی قەندەهار و تیایدا زیاتر لە ٣٠ کەس کوژران و زیاتر لە ٢٠٠ کەسیش بریندار بوون.

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın