جيهان, تەندروستی, کۆڤید- ١٩

بەڕازیل.. تووشبوون به‌ كۆرۆنا ٢٠ ملیۆنی تێپه‌ڕاند

Sinan Doğan   | 05.08.2021
بەڕازیل.. تووشبوون به‌ كۆرۆنا ٢٠ ملیۆنی تێپه‌ڕاند

Bolivar

بۆینس ئایرس - AA

لە بەڕازیل كه‌ به‌ دوای ئه‌مریكا و هیندستان-دا، ڤایرۆسی كۆرۆنای نوێ به‌توندترین شێوه‌ كاریگه‌ری كردووه‌ته‌ سه‌ری، ژماره‌ی حاڵه‌ته‌كانی تووشبوون به‌و په‌تا جیهانگیره‌ گه‌یشتووه‌ته‌ ٢٠ ملیۆن.

به‌پێی زانیارییه‌كانی وه‌زاره‌تی ته‌ندروستیی به‌ڕازیل لە میانی ٢٤ کاتژمێری رابردوودا، ٤٠ هه‌زار و ٧١٦ حاڵه‌تی نوێی تووشبوون به‌ په‌تاكه‌ تۆماركراون‌ و تێكڕای ژماره‌ی تووشبووان گه‌یشتووه‌ته، ٢٠ ملیۆن و ٢٦ هه‌زار و ٥٣٣ كه‌س.

هه‌ر له‌و ماوه‌یه‌دا، هه‌زار و ١٧٥ تووشبوو گیانیان له‌ده‌ستداوه‌، به‌مه‌یش كۆی گشتیی ئه‌وکەسانه‌ی بەهۆی په‌تای کۆرۆناوە لەو وڵاتە گیانیان له‌ده‌ستداوه‌ به‌رزبووه‌ته‌وه‌ بۆ ٥٥٩ هه‌زار و ٦٠٧ كه‌س.

ژمارەی ئەوکەسانەی کە پەتاکەیان تێپەڕاندووە و چاکبوونەتەوە گەیشتووەتە ١٨ ملیۆن و ٨٠٠ هه‌زار و ٨٨٤ كه‌س.

به‌ڕازیل كه‌ ژماره‌ی دانیشتوانه‌كه‌ی ٢١٠ ملیۆن كه‌سی تێپه‌ڕاندووه، له‌ڕووی تۆماركردنی حاڵه‌ته‌كانی گیانله‌ده‌ستدان به‌ كۆرۆنا به‌ دوای ئه‌مریكادا له‌ ریزبەندی دووه‌م و له‌ تۆماركردنی حاڵه‌ته‌كانی تووشبوون به‌ كۆرۆناشدا، ریزبەندی سێیه‌می گرتووە.

سه‌ره‌ڕای ئه‌وه‌ی تا ئێستا له‌و وڵاته‌ زیاتر له‌ ١٤٦ ملیۆن كه‌س لانیكه‌م یه‌ك دۆزی ڤاكسینی كۆرۆنایان به‌كارهێناوه‌، كه‌چی حاڵه‌ته‌كانی تووشبوون و گیانله‌ده‌ستدان به‌ كۆرۆنا له‌ به‌ڕازیل له‌ هه‌ڵكشان و داكشاندایه‌.

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın