ئابووری

نرخی خاوی برێنت گەیشتە ٨٣ دۆلار و ١٧ سەنت

Firdevs Yüksel   | 13.10.2021
نرخی خاوی برێنت گەیشتە ٨٣ دۆلار و ١٧ سەنت

Istanbul

ئیستانبوڵ - AA

لە بازاڕەکانی جیهاندا نرخی بەرمیلێک خاوی برێنت گەیشتە ٨٣ دۆلار و ١٧ سەنت.

دوێنێ نرخی بەرمیلێک خاوی برێنت تا ٨٤ دۆلار و ٢٣ سەنت بەرزبووەوە و رۆژەکەی بە ٨٣ دۆلار و ٤٢ سەنت تەواو کرد، بەڵام کاتژمێر ١٠:٠٧ی ئەمڕۆ نرخەکان بە رێژەی سەدا ٠،٣٠ دابەزینیان بەخۆوەبینی و بەرمیلێک خاوی برێنت بە ٨٣ دۆلار و ١٧ سەنت فرۆشرا.

لە هەمان کاتدا بەرمیلێک خاوی رۆژئاوای تێکساس بە ٨٠ دۆلار و ٣٦ سەنت مامەڵەی پێوە کرا.

بەردەوامی بەرزبوونەوەی نرخی خەڵووز و غازی سروشتیی لە جیهاندا و بەتایبەت لە ناوچە پیشەسازییە گرنگەکانی وەک چین، هیندستان و ئەورووپا وای کردووە ماوەی هەڵئاوسانی گەورەی ئابووری زیاتر لەو ماوەیەی کە چاوەڕوان دەکرا درێژببێتەوە و گەشەی ئابووری جیهانیش هێواش ببێتەوە، ئەمانەش بەشێوەیەکی نەرێنی کاریگەرییان لەسەر نرخی نەوتی خاو دروست کردووە.

لە لایەکی دیکەشەوە سندوقی دراوی نێودەوڵەتیی لەو راپۆرتەیدا کە دوێنێ بڵاوی کردەوە، پێشبینییەکانی بۆ گەشەی ئابووری جیهان لە ساڵی ٢٠٢١دا لە لەسەدا شەشەوە بۆ سەدا ٥،٩ کەم کردووەتەوە.

هەروەها بەرزبوونەوەی نرخی دۆلار بەرامبەربە دراوە بیانییەکان، وای کردووە ئەو وڵاتانەی بۆ کڕینی نەوتی خاو دراوی دیکە بەکاردەهێنن، کڕینی نەوت لەسەریان گران ببێت، ئەمەش هۆکارێکی دیکەی بەرزنەبوونەوەی نرخی نەوتە.

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın