کۆڤید- ١٩

لە دهۆک رێکارەکانی خوپارێزی لە ڤایرۆسی کۆرۆنا توندتر دەکرێن

بەپێی راگەیەنراوێکی کۆبوونەوەکەی ژووری ئوپەراسیونی پارێزگای دھۆک بۆ بەرەنگاربوونەوەی ڤایرۆسی کۆرۆنا، رێکارەکانی خۆپارێزی لە ڤایرۆسی کۆرۆنا توندتر دەکرێن و مارکێت و چێشتخانە و ھەموو شوێنەکانی کارکردن لە کاتژمێر ١٢:٠٠ ی شەو تا ٦:٠٠ ی بەیانی دادەخرێن.

Ekip   | 26.06.2020
 لە دهۆک رێکارەکانی خوپارێزی لە ڤایرۆسی کۆرۆنا توندتر دەکرێن

Dahuk

دھۆک - AA

بەمەبەستی تاوتوێکردنی بریارەکانی بەیانی ژمارە (٤٢) ی وەزارەتی ناوخۆی ھەرێمی کوردستان و ئەو دەسەڵاتانەی کە بە ژووروەکانی ئۆپەراسیۆنی پارێزگا و ئیدارە سەربەخۆکان دراون، ژووری ئۆپەڕاسیونی پارێزگای دھۆک بۆ بەرەنگاربوونەوەی ڤایرۆسی کۆرۆنا کۆبوونەوەیەکی بەشێوەی ئونلاین ئەنجامدا و چەند بڕیارێکی نوێی دەرکرد.

بەپێی راگەیەنراوێکی کۆبوونەوەکەی ژووری ئوپەراسیونی پارێزگای دھۆک بۆ بەرەنگاربوونەوەی ڤایرۆسی کۆرۆنا، رێکارەکانی خۆپارێزی لە ڤایرۆسی کۆرۆنا توندتر دەکرێن و مارکێت و چێشتخانە و ھەموو شوێنەکانی کارکردن لە کاتژمێر ١٢:٠٠ ی شەو تا ٦:٠٠ ی بەیانی دادەخرێن.

لە راگەیەنراوەکەی ژووری ئوپەراسیۆنی پارێزگای دھۆک دا ھاتووە: "کوبوونەوەکە بە سەرپەرشتی جێگری پارێزگاری دھۆک بە وەکالەت، ماجید سەید ساڵح و بە بەشداری ھەموو ئەندامانی ژووری ئۆپەراسیونی پارێزگای دھۆک ئەنجامدراوە، و دوای راوێژکردن لەگەڵ بەرێوەبەرایەتی تەندروستی دھۆک و لایەنە پەیوەندیدارەکان بریاردرا بە گرتنەبەری چەند رێکارێکی نوێ.

رێکارەکانی ژووری ئۆپەراسیونی پارێزگای دھۆک ئەم خاڵانەی خوارەوە لەخۆدەگرن:

یەکەم: دەوامی فەرمانگەکانی حکوومەت لە سنووری پارێزگای دھۆک بەردەوام دەبێت بەپێی ئەو رێژەیەیی کە لە بەیانی ژمارە (٤١) ی وەزارەتی ناوخۆ دا دیارکراوە.

دووەم: چێشتخانەکان بەکراوەی دەمێننەوە بە مەرجێک کە ئاھەنگ و گردبوونەوەی کومەڵایەتی تیایدا ئەنجام نەدرێن.

سێیەم: شوێنەکانی گەشتیاری و ھاوینەھەوارەکان بە داخراوی دەمێننەوە لەپێناو پاراستنی ژیانی ھاووڵاتییان.

چوارەم: بازار لە رۆژانی ھەینیدا دادەخرێت.

پێنجەم: مارکێت و شوێنەکانی خزمەتگوزاری و ھەموو شوێنەکانی کارکردن بەداخراوی دەمێننەوە لە کاتژمێر ١٢:٠٠ ی شەو تا کاتژمێر ٦:٠٠ی بەیانی.

شەشەم: میکانیزمێکی گونجاو لەگەڵ رێکارەکانی خۆپارێزی دادەنرێت بو دابەشکردنی مووچەی فەرمانبەران و خانەنشینان.

حەوتەم: بازگەکانی سنووری پارێزگای دھۆک توندتر دەکرێن بو جێبەجێکردنی بڕیاری قەدەغەی ھاتوچۆ لەنێوان پارێزگاکان دا، و بەدواداچوونێکی توند دەکرێت بو ئەو کەسانەی کە بە رێگای نایاسایی دێنە نێو پارێزگای دھۆک.

ھەشتەم: کاراکردن و توندکردنی لیژنەکانی بەدواداچوونی بازاڕ و شوێنە گشتییەکان بو ئەوەی ھاووڵاتییان زیاتر پابەندی رێکارەکانی خۆپارێزی ببن.

نویەم: بەردەوامیدان بە راگرتنی رێوڕەسمە ئایینیەکان (موسڵمان، مەسیحی، ئێزدی) و راگرتنی نوێژی ھەینی لە مزگەوتەکان و رێورەسمەکانی ئایینی مەسیحی لە رۆژی یەکشەممە.

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın