ژيان

ژیانی باڵندەی هەنگەچنە لەسەر سنووری تورکیا-یۆنان

هەنگەچنە لە نزیک پارێزگای ئەدیرنە بەشێوەی پۆل پۆل دەژین و جیاوازی رەنگی دەنوک و پەڕەکانیان بووەتە جێگای سەرنج.

Hakan Mehmet Şahin   | 09.06.2021
ژیانی باڵندەی هەنگەچنە لەسەر سنووری تورکیا-یۆنان

Edirne

ئەدیرنە - AA

باڵندەی هەنگەچنە جۆرە باڵندەیەکی کێوییە کە لەسەر سنووری نێوان تورکیا و یۆنان دەژی، هۆکاری ناونانیشی بە "هەنگەچنە" ئەوەیە کە هەنگ خواردنی سەرەکییەتی.

ئەم باڵندانە لە نزیک پارێزگای ئەدیرنە بەشێوەی پۆل پۆل دەژین و جیاوازی رەنگی دەنوک و پەڕەکانیان بووەتە جێگای سەرنج.

نێرەی هەنگەچنە، لەناو خۆڵدا چاڵی قوڵ هەڵدەکەنێت و دەیکاتە هێلانە و لەئێستاشدا کە بێچووەکانیان بچووکن ئەم باڵندانە لە ناوچە سنوورییەکانی نێوان تورکیا و یۆنان-ن و لەگەڵ هاتنی وەرزی پاییز ناوچەکە بەجێدێڵن.

دکتۆر مستەفا کایا کە مامۆستایە لە بەشی زیندەوەرزانیی زانکۆی تراکیا و پسپۆڕە لە زانستی باڵندەزانیدا لە لێدوانێکیدا بۆ ئاژانسی ئانادۆڵو باسی لەوە کرد کە لە کۆی ٤٨٤ جۆر باڵندە کە لە تورکیادا هەن، ٣٣٣ جۆریان لە ناوچەی تراکیا-ن.

دکتۆر مستەفا کایا باسی لەوەش کرد کە باڵندەی هەنگەچنە یەکێکە لەو باڵندانەی لە وەرزی هاویندا کۆچ دەکات و دێت بۆ دەورووبەری پاریزگای ئەدیرنە و لە پاییزیشدا کۆچ دەکات بۆ ناوچە گەرمەکان، گوتیشی: "باڵندەی هەنگەچنە جیاواز لە باڵندەکانی دیکە لەسەر زەوی و لەناو خۆڵدا هێلانە دەکات نەک لەسەر لقی درەختەکان. مێیەی ئەم باڵندەیە چوار بۆ شەش هێلکە دەکات، دوای تروکانی هێلکەکان، نێرەی ئەم باڵندەیە ئەرکی پاراستنی بێچووەکان دەگرێتە ئەستۆ".

ژیانی باڵندەی هەنگەچنە لەسەر سنووری تورکیا-یۆنان

- هەنگەچنە لە نزیک پارێزگای ئەدیرنە بەشێوەی پۆل پۆل دەژین و جیاوازی رەنگی دەنوک و پەڕەکانیان بووەتە جێگای سەرنج. ( Hakan Mehmet Şahin - ئاژانسی ئانادۆڵو )

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın