ژيان

له‌ خۆرهه‌ڵاتی توركیا رێگای ١٨٢ ناوچه‌ی چوار پارێزگا داخراوه‌

- به‌هۆی به‌فر و ره‌هێڵه‌وه له‌ پارێزگاكانی وان، مووش، هه‌كاری و به‌دلیس رێگاوبانی ١٨٢ ناوچه‌ی نیشته‌جێبوون‌ ‌داخراون.

06.02.2020
له‌ خۆرهه‌ڵاتی توركیا رێگای ١٨٢ ناوچه‌ی چوار پارێزگا داخراوه‌

Van

وان - AA

له‌ پارێزگاكانی وان، مووش، هه‌كاری و به‌دلیس رێگاوبانی ١٨٢ ناوچه‌ی نیشته‌جێبوون‌ به‌هۆی به‌فر و ره‌هێڵه‌وه‌ داخراون.

به‌پێی راگه‌یه‌ندراوێك كه‌ له‌لایه‌ن گه‌وره‌ شاره‌وانی وان-ه‌وه‌ بڵاوكراوه‌ته‌وه‌، به‌هۆی ناله‌باری كه‌شوهه‌وا له‌سه‌رتاسه‌ری پارێزگاكه‌ رێگاوبانی ١١٤ یه‌كه‌ی نیشته‌جێبوون به‌ڕووی هاتوچۆدا داخراوه‌.

تیمه‌ تایبه‌ته‌كانی راماڵینی به‌فر له‌ هه‌فته‌ی رابردووه‌وه‌ له‌ ناوه‌ندی پارێزگاكه‌ و شارۆچكه‌كانی ده‌ورووبه‌ری سه‌رقاڵی پاككردنه‌وه‌ی رێگاوبانه‌كانن.

به‌هۆی روودانی هه‌ره‌سی به‌فر و به‌ڕێوه‌چوونی كاره‌كانی گه‌ڕان و رزگاركردن رێگای وان-باهچه‌سارای داخراوه‌.

- مووش

تیمه‌كانی راماڵینی به‌فر له‌ فه‌رمانگه‌ی تایبه‌تی پارێزگای مووش له‌ هه‌وڵدان بۆ كردنه‌وه‌ی رێگای نۆ گوند و ٢٢ كێڵگه‌.

تیمه‌كان له‌ ناوچه‌كه‌ به‌هۆی مه‌ترسی هه‌ره‌سی به‌فره‌وه‌ كه‌ ئاستی به‌فر شوێن بۆ شوێن ده‌گاته‌ سێ مه‌تر دووچاری سه‌ختی بوونه‌ته‌وه‌ له‌ هه‌ندێک ناوچه‌دا.

- به‌دلیس

به‌ڕێوه‌به‌ری خزمه‌تگوزاریه‌كانی رێگاوبان و گواستنه‌وه‌ له‌ فه‌رمانگه‌ی تایبه‌تی پارێزگاكه‌، ئومیت كورتكان ئاماژه‌ی به‌وه‌ كرد كه‌ به‌ هۆی به‌فر و ره‌هێڵه‌وه‌ رێگای ٣٥ گوند داخراوه‌.

- هه‌كاری

هه‌روه‌ها به‌هۆی ناله‌باری كه‌شوهه‌وا له‌ هه‌كاری رێگای دوو ناوچه‌ی نیشته‌جێبوون به‌ڕووی هاتوچۆدا داخراوه‌.

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın