ژيان

جوانی دەریاچەی نەمروت لە وەرزی پاییزدا

Ahmet Okur   | 14.10.2021
جوانی دەریاچەی نەمروت لە وەرزی پاییزدا

Bitlis

بەدلیس- AA

دەریاچەی نەمروت کە لەسەر ئاستی جیهان دووەم و لەسەر ئاستی تورکیا یەکەم گەورەترین دەریاچەی گڕکانییە، دەکەوێتە بەرزایی دوو هەزار و ٢٥٠ مەتر و لە وەرزی بەهاردا جوانییەکی ناوازەی هەیە.

ئەم دەریاچەیە بە ئاوی سارد و گەرم، ئەشکەوتی سەهۆڵین، لوولەی بوخار و جۆرە جیاوازەکانی باڵندە و زیندەوەر بووەتە جێگای سەرنجی گەشتیاران.

لەئێستاشدا کە وەرزی پاییزە، دەریاچەکە بووەتە تێکەڵەیەک لە رەنگ و دیمەنێکی ناوازەی هەیە، هاووڵاتییان و وێنەگران بۆ تۆمارکردنی وێنەی یادگاری سەردانی دەکەن.

یەکێک لە وێنەگرەکان بە ناوی فاتیح بیلگیچ لە لێدوانێکیدا بۆ پەیامنێری ئاژانسی ئانادۆڵو رایگەیاند "لەگەڵ هاتنی وەرزی پاییز، لێرە هەموو تۆنەکانی رەنگی سەوز، قاوەیی و زەرد دەردەکەون، پێویستە هەموو کەسێک بێت و ئەم دیمەنە ببینێت، ئێرە شوێنێکە کە مرۆڤ دەتوانێت تیایدا تێکەڵی سروشت ببێت".

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın