عێراق, کۆڤید- ١٩

ھەرێمی کوردستان.. ٦٧٣ تووشبووی نوێ بە ڤایرۆسی کۆرۆنا تۆمار کرا

وەزارەتی تەندروستیی ھەرێمی کوردستان: "لە میانی ٢٤ کاتژمێری رابردوودا، ٦٧٣ تووشبووی نوێ بە ڤایرۆسی کۆرۆنای نوێ و ٢٤ حاڵەتی گیانلەدەستدان تۆمارکراوە.

Heman Hussein Yaseen   | 30.09.2020
ھەرێمی کوردستان.. ٦٧٣ تووشبووی نوێ بە ڤایرۆسی کۆرۆنا تۆمار کرا

Arbil

ھەولێر - AA

وەزارەتی تەندروستیی ھەرێمی کوردستان رایگەیاند کە لە ٢٤ کاتژمێری رابردوودا، ٦٧٣ تووشبووی نوێ بە ڤایرۆسی کۆرۆنای نوێ (COVID-19) و ٢٤ حاڵەتی گیانلەدەستدان تۆمارکراوە، بەمەش کۆی گشتی تووشبووان بە ڤایرۆسەکە گەیشتە ٤٧ ھەزار و ٨١٠ حاڵەت و گیانلەدەستدانیش بەھۆی ڤایرۆسەکەوە گەیشتە ھەزار و ٧٤٩ کەس.

وەزارەتی تەندروستیی ھەرێمی کوردستان لە راگەیەندراوێکدا ئاماری ٢٤ کاتژمێری رابردووی لەبارەی ڤایرۆسی کۆرۆنای نوێ بڵاوکردەوە.

بەپێی راگەیەندراوەکە لە ٢٤ کاتژمێری رابردوودا، چوار ھەزار و ٩٧٩ پشکنین لەسەر ئاستی ھەرێمی کوردستان ئەنجامدراوە و دەرەنجام ٦٧٣ تووشبووی نوێ بە ڤایرۆسەکە تۆمارکراوە.

لە راگەیەندراوەکەی وەزارەتی تەندروستیی ھەرێمی کوردستاندا کە کۆپییەکی گەیشتووەتە ئاژانسی ئانادۆڵو، ئاماری تووشبووان و گیانلەدەستدان لە ٢٤ کاتژمێری رابردوودا بەم شێوەیەی خوارەوە تۆمارکراوە:

پارێزگای ھەولێر، ٢٩٧ تووشبوو و پێنج حاڵەتی گیانلەدەستدان.

پارێزگای سلێمانی، ٩٢ تووشبوو و ١٠ حاڵەتی گیانلەدەستدان.

ئیدارەی گەرمیان، ٢٨ تووشبوو، یەک حاڵەتی گیانلەدەستدان.

پارێزگای دھۆک، ٢٢٤ تووشبوو، ھەشت حاڵەتی گیانلەدەستدان.

پارێزگای ھەڵەبجە، ٣٢ تووشبوو.

ئاماژە بەوەشدراوە کە لە میانی ٢٤ کاتژمێری رابردوودا، ٤٣٠ نەخۆش دوای چارەسەری پزیشکی چاکبوونەوەتەوە، ھاوکات لە سەرەتای سەرھەڵدانی ڤایرۆسی کۆرۆناوە تا ئێستا ٤٦٦ ھەزار و ٧١٧ پشکنین لەسەر ئاستی ھەرێمی کوردستان ئەنجامدراوە.

بەپێی داتاکانی وەزارەتی تەندروستیی ھەرێمی کوردستان، کۆی گشتیی تووشبووان بە ڤایرۆسی کۆرۆنای نوێ لە ھەرێمی کوردستان گەیشتووەتە ٤٧ ھەزار و ٨١٠ تووشبوو کە ١٧ ھەزار و ٦٧٦ لە ھەولێر، ١٦ ھەزار و ١٥٥ لە سلێمانی، ١٢ ھەزار ٢٢٨ لە دھۆک و ھەزار و ٦٩٣ لە ھەڵەبجە بووە، لەنێویاندا ھەزار و ٧٤٩ حاڵەتی گیانلەدەستدان ھەبووە کە ٥٦٧ لە ھەولێر، ٨٨٧ لە سلێمانی، ٢٥٨ لە دھۆک و لە ٣٧ حاڵەت ھەڵەبجە بووە.


ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın