گەشتە ئاسمانییەکانی تورکیا لە نێوان هەولێر بۆ ئەنقەرە و ئیستانبوڵ دەست پێ دەکەنەوە

دوای چەند ڕۆژێک لە وەستانی بە هۆی گرژییەکان لە ناوچەکەدا، جارێکی دیکە گەشتە ئاسمانییەکان لە نێوان هەولێر و ئەنقەرە-ئیستانبوڵ دەست پێ دەکەنەوە.

بە پێی ئەو زانیارییەی دەست ئاژانسی ئانادۆڵو کەوتووە، گەشتەکانی کۆمپانیاکانی پێگاسووس، ئاجێت و تورکیش ئێرلایەن، لە نێوان هەولێر و ئەنقەرە ئەمڕۆ و سبەیش بۆ ئیستانبوڵ بە تەواوی دەست پێ دەکەنەوە.

بەو پێیە گەشتە ئاسمانییەکان لە فڕۆکەخانەی نێودەوڵەتی هەولێرەوە ئاسایی دەبێت.

گەشتە ئاسمانییەکان لە نێوان تورکیا و هەرێمی کوردستان ئەوە بۆ سێیەمجارە لە ماوەی ڕابردوودا بە هۆی گرژییەکان لە ناوچەکەدا ڕادەگیرێن.