عێراق

پارێزگای ھەولێر بازگەکانی لەگەڵ پارێزگاکانی ناوەڕاست و باشووری عێراق دادەخات

پارێزگای هەولێر رایگەیاند، لە کاتژمێری ١٢ی شەوی چوارشەممە لەسەر پێنجشەممەوە بازگەکانی پارێزگای هەولێر لەگەڵ پارێزگاکانی دیکەی ناوەڕاست و باشووری عێراق دادەخرێن.

Sarmand Hameed   | 03.03.2021
پارێزگای ھەولێر بازگەکانی لەگەڵ پارێزگاکانی ناوەڕاست و باشووری عێراق دادەخات

Arbil

هەولێر - AA

پارێزگای هەولێر رایگەیاند، لە کاتژمێری ١٢ی شەوی چوارشەممە لەسەر پێنجشەممەوە بازگەکانی پارێزگای هەولێر لەگەڵ پارێزگاکانی دیکەی ناوەڕاست و باشووری عێراق دادەخرێن.

پارێزگای هەولێر لە ئاگاداریینامەیەکدا ئاماژەی بەوە کردووە کە تەنها رێگە بە هاتوچۆی شاندە فەرمییەکانی حکوومی و دیپلۆماتی و ھاوپەیمانان و ئاژانسەکانی نەتەوەیەکگرتووەکان و رێکخراوەکان دەدرێت.

پارێزگای هەولێر ئاماژەی بەوەشکردووە کە ئەم بڕیارە ھاتوچۆی ھاووڵاتییانی پارێزگاکانی دیکەی ھەرێمی کوردستان لەگەڵ پارێزگای ھەولێر ناگرێتەوە.

بەپێی بەیانی ژمارە ٧ی ساڵی ٢٠٢١ی وەزارەتی ناوخۆی هەرێمی کوردستان کە رێککەوتی ٢٣ی شوبات بڵاوکراوەیەوە، بڕیاردرابوو بە سنووردارکردنی هاتنی گەشتیاران لە پارێزگاکانی دیکەی عێراق بۆ هەرێمی کوردستان جگە لە ئاژانس و رێکخراوەکانی سەربە نەتەوەیەکگرتووەکان و رێکخراوە نێودەوڵەتییەکان و هاوپەیمانان و دیپلۆماتکاران و شاندە فەرمییەکان و ئەوانەی سەردانی پزیشک دەکەن بەپێی رێنماییە تەندروستییەکان.

هەروەها بەپێی بڕیاری لیژنەی باڵای تەندروستیی و سەلامەتی نیشتمانیی عێراق، وەک هەنگاوێک بۆ رێگەگرتن لە بڵاوبوونەوەی ڤایرۆسی کۆرۆنا، رۆژانی هەینی، شەممە و یەکشەممەی هەموو هەفتەیەک جێبەجێکردنی بڕیاری قەدەغەی هاتوچۆی تەواوەتی راگەیاندووە.

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın