عێراق

وەزارەتی ناوخۆی عێراق دەستگیركردنی هەشت تیرۆریستی داعشی رایگەیاند

وەزارەتی ناوخۆی عێراق، دەستگیركردنی هەشت تیرۆریستی داعشی لە پارێزگای نەینەوا رایگەیاند.

Zana Natık Kerem   | 18.10.2020
وەزارەتی ناوخۆی عێراق دەستگیركردنی هەشت تیرۆریستی داعشی رایگەیاند

Arbil

بەغدا ــ AA

وەزارەتی ناوخۆی عێراق رایگەیاند كە هەشت تیرۆریستی داعش لە پارێزگای نەینەوا دەستگیركراون.

وەزارەتی ناوخۆی عێراق لە راگەیەندراوێكدا ئاماژەی بەوەداوە كە هێزەكانی ئاژانسی هەواڵگریی، هەشت تیرۆریستیان لە ژمارەیەك ناوچەی پارێزگای نەینەوا، دەستگیركردووە.

باس لەوەشكراوە، ئەو تیرۆریستانەی كە دەستگیركراون بەپێی ماددەی چواری تیرۆر بەتۆمەتی ئەندامبوون لە داعش داواكراوبوون و لە بەناو دیوانی جوندی ویلایەتی دیجلە چەكداربوون.

لە راگەیەندراوەكەدا ئەوەیش خراوەتەڕوو کە لە میانی لێكۆڵینەوە بەراییەكاندا، دەستگیركراوەکان دانیان بەوەداناوە كە سەربە داعشن و راشیانگەیاندووە كە لە ماوەكانی رابردوودا، چەندین كردەی تیرۆریستیان ئەنجامداوە.


ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın