هاوپەیمانان هەشت درۆنی بۆمبڕێژکراویان لە ئاسمانی هەولێر تێکشکاند

دژە تیرۆری هەرێمی کوردستان ڕایگەیاند، لە ئاسمانی هەولێر هەشت دڕۆنی بۆمبڕێژکراو لە لایەن هێزەکانی هاوپەیمانانەوە تێکشکێندراون.

ئەمشەو زنجیرەیەک هێرشی دڕۆنی کرایە سەر شاری هەولێر و سەرجەمیان لەلایەن سیستەمی بەرگرییەوە خراونەتەخوارەوە.

لەم بارەیەوە دژەتیرۆری هەرێمی کوردستان-عێراق بڵاویکردەوە، "ئەمشەو هێزەکانی هاوپەیمانان هەشت دڕۆنی بۆمبڕێژکراویان لە ئاسمانی هەولێر تێکشکاند و خستە خوارەوە".

بە پێی ئەو ڕاگەیاندراوە، هێرشەکان هیچ زیانێکی گیانییان لێ نەکەوتەوە.