عێراق

مەسرور بارزانی پێشوازی لە شاندێکی بەریتانی کرد

سەرۆکی حکوومەتی هەرێمی کوردستان مەسرور بارزانی پێشوازی لە شاندێکی بەریتانی دەکات.

Fakhradın Ibrahım Mohammad   | 15.01.2020
مەسرور بارزانی پێشوازی لە شاندێکی بەریتانی کرد

Arbil

هەولێر - AA

سەرۆکی حکوومەتی هەرێمی کوردستان مەسرور بارزانی پێشوازی لە شاندێکی بەریتانی دەکات.

نووسینگەی راگەیاندنی سەرۆکوەزیران لە هەواڵێکدا رایگەیاندووە کە ئەمڕۆ چوارشەممە 2020/1/15 سەرۆکی حکوومەتی هەرێمی کوردستان مەسرور بارزانی، پێشوازی لە شاندێکی باڵای بەریتانی کرد بە سەرۆکایەتی راوێژکاری باڵای وەزارەتی بەرگری بەریتانیا بۆ کاروباری رۆژهەلاتی ناوەڕاست جەنەراڵ سێر جۆن لۆریمەر.

بە پێی ئەم هەواڵە، لە دیدارەکەدا کە باڵیۆزی بەریتانیا لە عێراق ستیفن هیکی و کۆنسوڵی گشتی بەریتانیا لە هەولێر جەیمس سۆرۆنتن ئامادەیبوون، دوایین گۆڕانکارییەکانی عێراق و ناوچەکە تاوتوێ کران و جەخت لە هێورکردنەوەی بارودۆخی عێراق و چارەسەکردنی کێشەکان بە رێگای دایەلۆگ کرایەوە. هەروەها ئاماژە بەوە درا کە شەڕی داعش کۆتایی نەهاتووە و پێویستە کۆمەڵگەی نێودەوڵەتی بەردەوام بێت لە هاوکاریکردنی عێراق و هەرێمی کوردستان لە رووبەڕووبوونەوەی تیرۆر.

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın