هونەر و كلتوور, عێراق

مووسڵ.. نمایشی ھونەرمەندێکی ئیتاڵی بۆ دڵخۆشکردنی منداڵان

ھونەرمەندی كۆمێدی ئیتاڵی، مارکۆ رووداری ناسراو بە کلۆن ئێڵ پیمپا نمایشێکی به‌ مه‌به‌ستی کات بەسەربردن و دڵخۆشکردنی منداڵان لە ناوچەی حەمام مەنقوشە لە ناوچەی کۆنی مووسڵ ئەنجامدا.

Ismael Adnan Yaqoob   | 03.05.2021
مووسڵ.. نمایشی ھونەرمەندێکی ئیتاڵی بۆ دڵخۆشکردنی منداڵان

Mosul

مووسڵ ــ AA

ھونەرمەندی كۆمێدی ئیتاڵی، مارکۆ رووداری ناسراو بە کلۆن ئێڵ پیمپا نمایشێکی به‌ مه‌به‌ستی کات بەسەربردن و دڵخۆشکردنی منداڵان لە ناوچەی حەمام مەنقوشە لە ناوچەی کۆنی مووسڵ ئەنجامدا.

ھونەرمەندەکە لە ئێتاڵیاوە ھاتووە بۆ ئەوەی کاریگەرییەکانی جەنگ لەسەر منداڵان لە عێراق بە تایبەتیش لە شاری مووسڵ کەمبکاتەوە و ئەو نمایشەیش کە ئەنجامیدا یەکێک بوو لەو نمایشانەی کە چاوەڕوان دەکرێت لە ناوچەکانی دیکەی پارێزگای نەینەوا بە ئامانجی دڵخۆشکردنی منداڵان کە لە ساڵانی رابردوودا بەھۆی شەڕەکانی دژبە داعشەوە لێی بێ بەشبوون، ئەنجامیبدات.

نمایشەکە بۆ کات بەسەربردن و دڵخۆشکردنی منداڵان لە ناوچەکە ئەنجامدرا و لە لایەن رێکخراوی (UPP) ئیتاڵی بە ھاوکاری لەگەڵ سەنتەری رۆشنبیری بێتنا رێکخرابوو، بۆ ئەوەی شێوەیەکی جوان بە ناوچەکە ببەخشێت کە بەھۆی شەڕەکانی دژبە داعشەوە خاپوور بووە.

لەکاتی داگیرکردنی مووسڵ لە لایەن تیرۆریستانی داعشەوە لە ساڵی ٢٠١٤دا، ھیچ کەسێکی بیانی لەبەر خراپی رەوشی ئەمنیی نەیدەتوانی سەردانی شارەکە بکات، بەڵام لەئێستادا، ژمارەیەکی زۆر له‌ كه‌سانی بیانی بەھۆی سەقامگیری رەوشی ئەمنییەوە، سەردانی مووسڵ دەکەن.

یەکێک لەو منداڵانەی کە لە نمایشەکەدا ئامادەبوو بە ناوی فاروق عومەر بۆ ئاژانسی ئانادۆڵو قسەی کرد و گوتی: "لەگەڵ باوکم و ھاورێیەکانم لە نمایشەکەدا ئامادەبووین بۆ ئەوەی کاتێکی خۆش بەسەر ببەین و بە نمایشەکەیش زۆر دڵخۆشبووین، چونکە ھەموو ئەو چالاکییانەی کە لە لایەن ھونەرمەندە كۆمێدییه‌كه‌وه‌ نمایشکران، نمایشی جوان و مایەی دڵخۆشیی بوون".

ھاوکات ھونەرمەندی كۆمێدی ئیتاڵی، مارکۆ رووداری بۆ ئاژانسی ئانادۆڵو دوا و گوتی: "من مارکۆی گاڵته‌جاڕم و لە ئیتاڵیاوە ھاتووم بۆ عێراق بۆ ئەوەی لەگەڵ منداڵان یاری بکەم و خەندە بخەمە سەر لێوانیان و دڵیان خۆش بکەم، ئەم نمایشەیش کە ئەنجاممدا، بەلای خۆمەوە نمایشێکی تایبەت بوو چونکە من زۆر حەزم لە یارییکردنەوە لەگەڵ منداڵان بە تایبەت منداڵانی شاری مووسڵ بە تایبەتیش کە دوای کۆنترۆڵکردنەوەی شارەکە، ھیچ نمایشێکی ھاوشێوەی ئەوەی منی تیایدا ئەنجام نەدراوە، ئەوەیش بۆ من زۆر گرنگە کە دەبینم منداڵانی شارەکە پێدەکەنن و دڵخۆشن".

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın