عێراق

عێراق نێوەندگیری نێوان ئه‌مریكا و ئێران ده‌كات

سه‌رۆكوه‌زیرانی عێراق، عادل عه‌بدولمه‌هدی رایگەیاند، به‌مه‌به‌ستی خاوكردنه‌وه‌ی گرژییه‌كانی نێوان ئه‌مریكا و ئێران له‌ ئاینده‌یه‌كی نزیكدا شاند ره‌وانه‌ی هه‌ردوو وڵات ده‌كه‌ن.

Haydar Karaalp,Muhammet Ali Kemal   | 21.05.2019
عێراق نێوەندگیری نێوان ئه‌مریكا و ئێران ده‌كات

Baghdad

به‌غدا- AA

سه‌رۆكوه‌زیرانی عێراق، عادل عه‌بدولمه‌هدی وێڕای ئاماژه‌دان به‌وه‌ی كه‌ به‌مه‌به‌ستی خاوكردنه‌وه‌ی گرژییه‌كانی نێوان ئه‌مریكا و ئێران له‌ ئاینده‌یه‌كی نزیكدا شاند ره‌وانه‌ی هه‌ردوو وڵات ده‌كه‌ن، داوای هێمنی و پابه‌ندبوون به‌ ستاندارده‌ نێوده‌وڵه‌تییه‌كانی له‌ هه‌ریه‌ك له‌ تاران و واشنتۆن كرد.

له‌ كۆنگره‌ی هه‌فتانه‌ی خۆیدا له‌ به‌غدای پایته‌ختی عێراق، عادل عه‌بدولمه‌هدی ئاماژه‌ی به‌وه‌كرد وڵاته‌كه‌ی له‌ پێگه‌یه‌كدایه‌ كه‌ كاریگه‌ریی گرژییه‌كانی نێوان ئه‌مریكا و ئێرانی ده‌كه‌وێته‌ سه‌ر و رایگه‌یاند: "عێراق وڵاتێكه‌ كه‌ كاریگه‌ری راسته‌وخۆی ده‌كه‌وێته‌ سه‌ر له‌ رێككه‌وتن یان گرژیی نێوان ئه‌مریكا و ئێران. له‌پێناو كه‌مكردنه‌وه‌ی گرژیی و ئاڵۆزییه‌كان، له‌گه‌ڵ وڵاته‌ گرنگه‌كانی ئه‌ورووپا له‌ كۆبوونه‌وه‌داین. خاوه‌نی دیدگا و تێڕوانینی هاوشێوه‌ین له‌گه‌ڵ ئه‌ورووپادا له‌وباره‌یه‌وه‌".

راشیگه‌یاند: "به‌مه‌به‌ستی خاوكردنه‌وه‌ی گرژییه‌كانی نێوان ئه‌مریكا و ئێران له‌ ئاینده‌یه‌كی نزیكدا شاند ره‌وانه‌ی هه‌ردوو وڵات ده‌كه‌ین. داوا له‌سه‌رجه‌م لایه‌نه‌كان ده‌كه‌ین هێمن بن و به‌مه‌به‌ستی خۆ به‌ دوورگرتن له‌ مه‌ترسیی، پابه‌ندی ستاندارده‌ نێوده‌وڵه‌تییه‌كان بن".

عه‌بدولمه‌هدی جه‌ختی له‌وه‌كرده‌وه‌ كه‌ ژماره‌یه‌ك لایه‌ن له‌ عێراق، ئێران، ئه‌مریكا و ئیسرائیل هه‌وڵی هه‌ڵگیرساندنی پێكدادان یان جه‌نگ له‌نێوان ئه‌مریكا و ئێراندا ده‌ده‌ن و رایگه‌یاند: "ئامانجی ئه‌مانه‌، هێنانه‌ ئاراوه‌ی جیاكاریی و دابه‌شبوونه‌ له‌ ناوچه‌كه‌ و له‌نێو وڵاتاندا".


ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın