عێراق

سەرۆکی پەرلەمانی کوردستان سەردانی پارێزگای هەولێری کرد

- سەرۆکی پەرلەمانی کوردستان، رێواز فایق سەردانی پارێزگای هەولێری کرد.

Fakhradin Ibrahim Mohammad   | 31.03.2020
سەرۆکی پەرلەمانی کوردستان سەردانی پارێزگای هەولێری کرد

Arbil

هەولێر - AA

سەرۆکی پەرلەمانی کوردستان، رێواز فایق بە یاوەری ژمارەیەک پەرلەمانتار سەردانی پارێزگای هەولێری کرد.

لەمیانی سەردانەکەدا سەرۆکی پەرلەمانی کوردستان لەگەڵ پارێزگاری هەولێر، فرسەت سۆفی و سەرۆکی ئەنجوومەنی پارێزگای هەولێر، عەلی رەشید و جێگرانی پارێزگار و ئەندامانی ژووری ئۆپەراسیۆنی هەولێر، کۆبووەوە.

بەپێی راگەیەندراوێکی پارێزگای هەولێر، لەمیانی سەردانەکەدا سەرۆکی پەرلەمانی کوردستان سوپاسی پارێزگار و ستافی پارێزگای هەولێری کردووە بۆ ئەو رێوشوێنانەی کە بۆ رووبەڕووبوونەوەی ڤایرۆسی کۆرۆنا گرتوویانەتە بەر.

لە راگەیەنراوەکەدا ئاماژە بەوەدراوە کە پارێزگاری هەولێر باسی لەو رێکارانە کردووە کە بۆ ئەم مەبەستە گیراوەتە بەر و رایگەیاندووە، وەک پارێزگای هەولێر لە یەکەم هەنگاودا لە ٢٠ شوباتدا دەستیانکردووە بە کەرەنیتنکردنی هەموو ئەوانەی لە ئێران دەگەڕانەوە و گوتی: "لەبەر ئەوەی ژمارەیەکی زۆری هاووڵاتییان لە فڕۆکەخانەی هەولێری نێودەوڵەتی و لە مەرزی حاجی ئۆمەران دەگەڕانەوە، بۆیە زۆرترین ژمارەی کەرەنتین لە هەولێر بووە، لە سنووری پارێزگاکەمان زیاتر لە سێ هەزار و ٣٠٠ کەس کەرەنتین کراون، لەو ژمارەیەش بەشێکی زۆریان تەواووبوون لە کەرەنتین و گەڕاونەتەوە ناو ماڵ و خێزانەکانیانەوە، ئێستاش ژمارەیەکی یەکجار زۆر پشکنین ئەنجامدەدەین بۆ گومانلێکراوان و ئەوانەشی کەرەنتین کراون".

فرسەت سۆفی جەختی لەوە کردووەتەوە کە لە هەولێر هەموو ئامادەباشییەکیان وەرگرتووە لەڕووی دابینکردنی پێداویستی پزیشکی و تەندروستیی و نەخۆشخانەی تایبەت بە کۆرۆنا و گوتی: "لەمبارەیەوە دەتوانین بڵێین هیچ کەم و کوڕییەکمان نییە".






ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın