سیستەمی بەرگریی ئاسمانی پێنج مووشەکی لە ئاسمانی هەولێر خستووەتە خوارەوە

بانگەشەی ئەوە دەکرێت کە بە پێنج مووشەک بارەگای "پارتی ئازادیی کوردستان" کە پارتێکی ئۆپۆزسیۆنی ئێرانە، کراوەتە ئامانج.

لەم بارەیەوە پارتەکە لە ڕاگەیاندراوێکدا بڵاوی کردووەتەوە کە "لە ماوەی نیو کاتژمێردا پێنج جار هێرشی موشەکی کراوەتە سەر بارەگای چەمشار".

ئەو کەمپە لە ناحیەی دارەشەکران سەر بە قەزای پیرمام لە پارێزگای هەولێر هەڵکەتووە.

بە پێی ئەم ڕاگەیاندراوە، هێرشەکان لەلایەن سیستمی بەرگرییەوە لە ئاسمان تێکشکێندراون.