عێراق

دیالە.. هێرشێكی داعش كوژرانی چوار سەربازی لێكەوتەوە

- راگەیەندرا كە لە ئاكامی هێرشێكی داعش بۆسەر كاروانێكی سوپای عێراق لە سنووری پارێزگای دیالە، چوار سەرباز كوژراون.

Gülşen Topçu   | 12.11.2019
دیالە.. هێرشێكی داعش كوژرانی چوار سەربازی لێكەوتەوە

Iraq

دیالە ــ AA

راگەیەندرا كە لە ئاكامی هێرشێكی داعش بۆسەر كاروانێكی سوپای عێراق لە سنووری پارێزگای دیالە، چوار سەرباز كوژراون.

سەرچاوەیەك لە سوپای عێراق كە نەیویست ناوی ئاشكرا بكرێت بە ئاژانسی ئانادۆڵوی رایگەیاند كە كاروانێكی سوپا كەوتنە بۆسەیەكی تیرۆریستانی داعشەوە لە ناحیەی قەرەتەپە سەربە قەزای خانەقین رۆژهەڵاتی دیالە و بەهۆیەوە شەڕو پێكدادان لە نێوان هەردوولادا روویدا.

بە گوتەی سەرچاوەكە، لە ئاكامی شەڕ و پێكدادانەكەدا، چوار سەرباز كوژراون و حەوتی دیكەش برینداربوون.

دوینێ‌ دووشەممە سوپای عێراق رایگەیاندبووە كە لە هێرشێكی ئاسمانی هێزەكانیاندا، ژمارەیەك حەشارگەی داعش لە ناوچەی حەمرین سەربە پارێزگای دیالە بۆردومانكراون و بەهۆیەوە چوار تیرۆریست كوژراون.

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın