عێراق

ئەحمەد سەفاڕ: "بۆ تێپەڕاندنی بوودجەی گشتیی ٢٠٢١، تەوافوقی سیاسی پێویستە"

- بڕیاردەری لیژنەی دارایی لە ئەنجوومەنی نوێنەرانی عێراق، ئەحمەد سەفاڕ: "بۆ تێپەڕاندنی پڕۆژەیاسای بوودجەی گشتیی ٢٠٢١ لە ئەنجوومەنی نوێنەران، پێویستی بە تەوافوقی سیاسیی ھەیە".

Zana Natık Kerem   | 17.01.2021
ئەحمەد سەفاڕ: "بۆ تێپەڕاندنی بوودجەی گشتیی ٢٠٢١، تەوافوقی سیاسی پێویستە"

Arbil

ھەولێر ــ AA

بڕیاردەری لیژنەی دارایی لە ئەنجوومەنی نوێنەرانی عێراق، ئەحمەد سەفاڕ رایگەیاند کە، بۆ تێپەڕاندنی پڕۆژەیاسای بوودجەی گشتیی ٢٠٢١ لە ئەنجوومەنی نوێنەران، پێویستی بە تەوافوقی سیاسیی ھەیە.

ئەحمەد سەفاڕ لە لێدوانێکی رۆژنامەوانییدا ئاماژەی بەوەداوە کە، لیژنەی دارایی لە ئەنجوومەنی نوێنەرانی عێراق پێشنیازەکانی خۆی لەبارەی دابەشکردنی خەرجییە گشتییەکان لە پڕۆژەیاسای بوودجەی گشتیی ٢٠٢١ دەخاتەڕوو و گوتی: "لیژنەکەمان لەچوارچێوەی گفتوگۆ و ھەڵسەنگاندنەکانی، بەپێی پێویست ھەندێک لە بەندەکانی ناو پڕۆژەیاسای بوودجەی گشتیی ٢٠٢١، کەم دەکاتەوە و ھەندێک بەندی دیکەیش لە پڕۆژەیاساکەدا زیاد دەکات".

سه‌ فاڕ گوتیشی: "بۆ تێپەڕاندنی پڕۆژەیاسای بوودجەی گشتیی ٢٠٢١ لە ئەنجوومەنی نوێنەران، پێویستی بە تەوافوقی سیاسیی ھەیە".

تا ئێستا لە ئەنجوومەنی نوێنەرانی عێراق، تەنھا خوێندنەوەی یەکەم بۆ پڕۆژەیاسای بوودجەی گشتیی ٢٠٢١ کراوە و گفتوگۆکان سەبارەت بە پڕۆژەیاساکە درێژەیان ھەیە.


ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın