سياسەت, عێراق

گۆڕان و پارتی لە کۆبوونەوەدان

"گفتوگۆ لەسەر پێکهێنانی شاندی هاوبەشی هێزە کوردییەکان بۆ سەردانی بەغدا و لیستی هاوبەش بۆ هەڵبژاردنەکان دەکەن".

Hawkar Yaseen   | 14.01.2021
گۆڕان و پارتی لە کۆبوونەوەدان

Arbil

هەولێر - AA

کۆبوونەوەی بزووتنەوەی گۆڕان و پارتی دیموکراتی کوردستان لە بارەگای پەیوەندییە سیاسییەکانی هەولێری بزووتنەوەی گۆڕان دەستیپێکرد.

شاندی پارتی دیموکراتی کوردستان، ئەندامی مەکتەبی سیاسی پارتی زەعیم عەلی سەرۆکایەتی دەکات و ئەندامی مەکتەبی سیاسی کاکەمین نەجار و ئەندامانی سەرکردایەتی پشتیوان سادق و عەلی حسێن ئەندامن تیاییدا.

لەلایەنی بزووتنەوەی گۆڕانیشەوە ئەندامی خانەی راپەڕاندن برزۆ مەجید سەرۆکایەتی شاندی پێشوازیکاری گۆڕان دەکات و ئەندامی جڤاتی نیشتمانی هێمن شێخانی و ئەندامی ژووری پەیوەندییە سیاسییەکانی گۆڕان بەختیار عومەر و وەزیری بازرگانی هەرێمی کوردستان لە پشکی گۆڕان کەمال موسلیم، ئەندامن تیایدا.

کۆبوونەوەکە لەچوارچێوەی ئەو دیدار و سەردانانەدایە کە چەند رۆژێکە پارتی دیموکراتی کوردستان بۆلای هێز و لایەنە سیاسییەكان دەستی پێکردووە.

بەپێی زانیارییەکانی ئاژانسی ئانادۆڵو، لە کۆبوونەوەکەدا تاوتوێی پێکھێنانی لیستێکی ھاوبەشی نێوان پارتە کوردییەکان دەکرێت بۆ ھەڵبژاردنە چاوەڕوانکراوەکەی عێراق، بەتایبەت لە ناوچە جێناکۆکەکان.

گفتوگۆش لەسەر پێکھێنانی شاندێکی ھاوبەشی ھێز و لایەنە سیاسییە کوردییەکان دەکرێت بۆ بەغدا کە چاوەڕوان دەکرێت ھەفتەی داھاتوو شاندەکە بچێتە بەغدا.

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın