سياسەت, عێراق

هه‌ولێر..یەکێتی و پارتی لە کۆبوونەوەدان

- "تاوتوێی پێکهێنانی لیستی هاوبەش بۆ هەڵبژاردنەکەی عێراق و پێکهێنانی شاندی هێزە کوردییەکان بۆ سەردانی بەغدا دەکرێت"

Hawkar Yaseen   | 14.01.2021
هه‌ولێر..یەکێتی و پارتی لە کۆبوونەوەدان

Arbil

هەولێر - AA

کۆبوونەوەی یەکێتیی نشتیمانی کوردستان و پارتی دیموکراتی کوردستان لە بارەگای مەکتەبی سیاسی یەکێتی لە ھەولێر دەستیپێکرد.

شاندی پارتی دیموکراتی کوردستان، ئەندامی مەکتەبی سیاسی پارتی زەعیم عەلی سەرۆکایەتی دەکات و ئەندامی مەکتەبی سیاسی کاکەمین نەجار و ئەندامانی سەرکردایەتی پشتیوان سادق و عەلی حسین ئەندامن تیاییدا.

لەلایەنی یەکێتی نیشتمانیی کورستانیشەوە ئەندامی مەکتەبی سیاسی سەعدی پیرە سەرۆکایەتی شاندی پێشوازیکار دەکات و ئەندامی مەکتەبی سیاسی، سۆران جەمال تاهیر و ئەندامانی سەرکردایەتی سالار سەرحەد و دارا رەشید ئەندامن تیاییدا.

کۆبوونەوەکە لەچوارچێوەی ئەو دیدار و سەردانانەدایە کە چەند رۆژێکە پارتی دیموکراتی کوردستان بۆلای هێز و لایەنە سیاسییەكان دەستی پێکردووە و بڕیاریشه‌ دوای سه‌ردانیكردنی یه‌كێتیی، شانده‌كه‌ی پارتی دیموكراتی كوردستان، سه‌ردانی بزووتنه‌وه‌ی گۆڕانیش بكات له‌ هه‌ولێر.

بەپێی زانیارییەکانی ئاژانسی ئانادۆڵو، لە کۆبوونەوەکانی ئەمڕۆدا تاوتوێی پێکھێنانی لیستێکی ھاوبەشی نێوان پارتی و یەکێتی و، گۆڕان دەکرێت بۆ ھەڵبژاردنە چاوەڕوانکراوەکەی عێراق، بەتایبەت لە ناوچە جێناکۆکەکان.

گفتوگۆش لەسەر پێکھێنانی شاندێکی ھاوبەشی ھێز و لایەنە سیاسییە کوردییەکان دەکرێت بۆ بەغدا کە چاوەڕوان دەکرێت ھەفتەی داھاتوو شاندەکە بچێتە بەغدا.

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın