سياسەت, عێراق

نێچیرڤان بارزانى پێشوازى لە شاندێکى ENKS کرد

سەرۆکی هەرێمی کوردستان، نێچیرڤان بارزانى پێشوازى لە شاندێکى ENKS کرد.

Fahrettin İbrahim   | 02.12.2019
نێچیرڤان بارزانى پێشوازى لە شاندێکى ENKS کرد

Arbil

هەولێر - AA

سەرۆکی هەرێمی کوردستان، نێچیرڤان بارزانى پێشوازى لە شاندێکى ENKS کرد.

سەرۆکى هەرێمى کوردستان نێچیرڤان بارزانى، لە دیدارێکدا لەگەڵ شاندێکى باڵاى ئەنجومەنى نیشتمانیى کوردى لە سووریا (ئەنەکەسە) بە سەرۆکایەتیى سعوود مەلا، دوایین پێشهاتەکان و دۆخى سووریا و ئامادەیى و ڕۆڵ و کاریگەریى هێزە هەرێمى و نێودەوڵەتییەکانیان لە ناوچەکە تاوتوێ کرد.

بە پێی هەواڵێکی سەرۆکایەتی هەریمی کوردستان، سەرۆک نێچیرڤان بارزانى جەختى لە گرنگیى یەکڕیزى و تەبایى و پێکەوەکارکردن و لێکگەیشتن و بنیاتنانى متمانە لەنێوان لایەن و پێکهاتە کوردستانییەکان لە سووریا کردەوە، هەموو ئامادەییەکیشى بۆ هاوکارى و پشتگیریى هەر هەوڵێک لەپێناو ئارامى و سەقامگیرى و چارەسەرکردنى ئاشتیانەى کێشەکان لە ناوچەکە نیشان دا.

لە هەواڵەکەدا هاتووە، "لە دیدارەکەدا هەردوولا جەختیان لە پێویستیى تەبایى و یەکترقبووڵکردن لەنێوان پێکهات و لایەنەکان لە سووریا و کارکردن لەپێناو چارەسەرى کێشەکان و گێڕانەوەى ئارامى و سەقامگیرى کردەوە، نیگەرانیى خۆیشیان لە هەوڵەکانى گۆڕینى دیمۆگرافیاى ناوچەکە و کار و ڕەفتارى چەکدارانى توندڕۆى ئۆپۆزسیۆنى سووریا نیشان دا".

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın