سياسەت

محەمەد جه‌واد زه‌ریف: "لووتكه‌ی وارشۆ پێش ده‌ستپێكردنی شكستیهێنا"

- وه‌زیری ده‌ره‌وه‌ی ئێران، محه‌مه‌د جه‌واد زه‌ریف باسی له‌وه‌ كرد كه‌ لووتكه‌ی خۆرهه‌ڵاتی ناوه‌ڕاست كه‌ له‌ وارشۆ رێكده‌خرێت پێش ده‌ستپێكردنی شكستیهێناوه‌.

Tolga Akbaba,Hemın Othman Mohammed   | 10.02.2019
محەمەد جه‌واد زه‌ریف: "لووتكه‌ی وارشۆ پێش ده‌ستپێكردنی شكستیهێنا"

Ankara

ئه‌نقه‌ره‌ - AA

وه‌زیری ده‌ره‌وه‌ی ئێران، محه‌مه‌د جه‌واد زه‌ریف باسی له‌وه‌ كرد كه‌ لووتكه‌ی خۆرهه‌ڵاتی ناوه‌ڕاست كه‌ له‌ وارشۆ رێكده‌خرێت پێش ده‌ستپێكردنی شكستیهێناوه‌.

له‌ لێدوانێكیدا بۆ ئاژانسی هه‌واڵیی په‌رله‌مانی ئێران (ICANA)، محه‌مه‌د جه‌واد زه‌ریف هه‌ڵسه‌نگاندنی بۆ لووتكه‌ی "خۆرهه‌ڵاتی ناوه‌ڕاست" كرد كه‌ رۆژانی 13-14ی شوبات له‌ وارشۆی پایته‌ختی پۆڵه‌ندا سازده‌كرێت.

وه‌زیری ده‌ره‌وه‌ی ئێران باسی له‌وه‌ كرد كه‌ لووتكه‌كه‌ لووتكه‌یه‌كی دژبه‌ ئێرانه‌ و گوتی: "ئه‌مریكا هه‌وڵێكی زۆری خسته‌گه‌ڕ بۆ رێكخستنی لووتكه‌یه‌ك له‌ وارشۆ دژبه‌ ئێران، به‌ڵام له‌ هه‌ڵوێسته‌كه‌یان كشانه‌وه‌ و ئاماژه‌یان به‌وه‌ كرد كه‌ بابه‌تی لووتكه‌كه‌ ئێران نییه‌. لووتكه‌ی وارشۆ پێش ده‌ستپێكردنی شكستیهێنا".

محه‌مه‌د جه‌واد زه‌ریف ئه‌وه‌یشی خسته‌ڕوو كه‌ ئه‌مریكا ویستوویه‌تی له‌ لووتكه‌كه‌دا ئێران بكاته‌ رۆژه‌ڤ، به‌ڵام ئه‌و ئامانجه‌ی شكستیهێناوه‌.

وه‌زیری ده‌ره‌وه‌ی ئێران ئاماژه‌ی به‌وه‌یش كرد كه‌ ئه‌و بابه‌تانه‌ی له‌ لووتكه‌كه‌دا تاوتوێ ده‌كرێت به‌گوێره‌ی خواستی ئه‌مریكا دیاریی ناكرێن و ئه‌وه‌یشی خسته‌ڕوو كه‌ به‌رپرسانی ئێرانی بانگهێشتی لووتكه‌كه‌ نه‌كراون.

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın